नाशिक : कामाच्या वेळेत बदल केल्याने रूग्णालयीन कामगाराने सुपरवायझरला केली मारहाण

कामगाराकडून सुपरवायझरला मारहाण
नाशिक : कामाच्या वेळेत बदल केल्याने संतप्त रूग्णालयीन कामगाराने सुपरवायझरला बेदम मारहाण केल्याची घटना समर्थ नगर भागात घडली. याघटनेत कामगाराने हातातील कड्याने मारहाण केल्याने सुपरवायझर जखमी झाला असून याप्रकरणी आडगाव पोलीस ठाण्यात मारहाणीचा गुन्हा दाखल करण्यात आला आहे. तुषार राजेंद्र सावंत (रा.वृंदावननगर) असे संशयीताचे नाव आहे. याप्रकरणी आकाश गोविंद राठोड (रा.इच्छामणीनगर) यांनी तक्रार दाखल केली आहे. पोलीसांनी दिलेल्या माहिती नुसार तक्रारदार आणि संशयीत महात्मानगर येथील सिक्स सिग्मा या खासगी रूग्णालयातील कर्मचारी असून दोघेही आडगाव शिवारात राहतात. राठोड रूग्णालयात सुपरवायझर पदावर कार्यरत असल्याने त्यांच्यावर रूग्णालयातील कर्मचा-यांच्या उपस्थितीची जबाबदार आहे. दैनंदिन नियोजनात राठोड यांनी बदल करून संशायीताच्या कामाच्या वेळेत बदल केल्याने ही घटना घडली. रविवारी (दि.२) सायंकाळी राठोड समर्थ नगर येथील किराणा दुकानासमोरून जात
असतांना संशायीताने त्यांना गाठले. यावेळी त्याने कामाच्या वेळेबाबत जाब विचारत वाद घातला. तसेच शिवीगाळ करीत राठोड यांना हातातील स्टिलच्या कड्याने मारहाण केली. या घटनेत राठोड जखंमी झाले असून अधिक तपास जमादार अरूण पाटील करीत आहेत.

…….

ट्रॅक्टरच्या धडकेत दुचाकीस्वार ठार
नाशिक : भरधाव टॅÑक्टरने धडक दिल्याने ४० वर्षीय दुचाकीस्वार ठार झाला. हा अपघात चाडेगाव शिवारात झाला. या घटनेत ट्रॅकरच्या टॉलीत बसलेला कामगारही जखमी झाला असून याप्रकरणी नाशिकरोड पोलीस ठाण्यात ट्रॅक्टरचालका विरूध्द गुन्हा दाखल करण्यात आला आहे. तुषार वाल्मिक नवले (४० रा.आवारे मळा सामनगाव रोड) असे मृत दुचाकीस्वाराचे नाव असून, या अपघातात बाळू गोरख साबळे (रा.पिंपळस रामाचे ता.निफाड) हा कामगार जखमी झाला आहे. याप्रकरणी मृताचा भाऊ योगेश नवले यांनी तक्रार दाखल केली आाहे. तुषार वाल्मिक हे रविवारी (दि.२) सायंकाळच्या सुमारास चाडेगाव शिवारातील मानकर वस्ती भागातून एमएच १५ डी डब्ल्यू ८४८३ या आपल्या दुचाकीवर प्रवास करीत असतांना हा अपघात झाला. पाठीमागून भरधाव येणा-या ट्रॅक्टरने (एमएच १५ एचसी ५३७३) दुचाकीस धडक दिली. धडक इतकी भयंकर होती की,दुचाकीस्वार जागीच ठार झाला तर ट्रॅक्टरच्या ट्रॉलीत बसलेला कामगार पडल्याने जखमी झाला. अपघातानंतर ट्रॅक्टर चालक माधव पोपट मतसागर (रा.पिंपळस रामाचे ता.निफाड) पसार झाला असून अधिक तपास उपनिरीक्षक गांगुर्डे करीत आहेत.

……

शहरात तिघांची आत्महत्या
नाशिक : शाहरात आत्महत्येची मालिका सुरूच असून रविवारी (दि.२) वेगवेगळया भागात राहणा-या तिघांनी गळफास लावून आत्महत्या केली. सदर व्यक्तीच्या आत्महत्येचे कारण समजू शकले नाही. त्यात अंबड औद्योगीक वसाहतीतील दोघांचा समावेश असून याप्रकरणी अंबड व नाशिकरोड पोलीस ठाण्यात मृत्युची नोंद करण्यात आली आहे. पोलीसांनी दिलेल्या माहिती नुसार शंकर भिकाजी साळवे (४५ रा.आंबेडकर नगर वरचे चुंचाळे) यांनी रविवारी (दि.२) आपल्या राहत्या घरात अज्ञात कारणातून लाकडी दांड्याला चादर बांधून गळफास लावून घेतला होता. ही घटना सायंकाळच्या सुमारास उघडकीस आली. कुटूंबियांनी त्यांना तात्काळ जिल्हा रूग्णालयात दाखल केले असता वैद्यकीय सुत्रांनी मृत घोषीत केले. तर औद्योगीक वसाहतीतील वीर कंपनी समोरील रमाबाई आंबेडकर नगर भागात राहणाºया दीपक कटवारू शर्मा (२०) या युवकाने रविवारी अज्ञात कारणातून आापल्या घरातील छताच्या लोखंडी अ‍ँगलला ओढणी बांधून गळफास लावून घेतला होता. त्यात त्याचा मृत्यु झाला. भाऊ सोमनाथ शर्मा यांनी दिलेल्या खबरीवरून पोलीसात मृत्युची नोंद करण्यात आली असून दोघा घटनांचा तपास जमादार शेळके करीत आहेत. सामनगाव रोडवरील भोर मळ््यात राहणाºया रामचंद्र मधुकर फोकणे (३६) या युवकाने अज्ञात कारणातून रविवारी आपल्या राहत्या घरात गळफास लावून घेतला होता. ही बाब लक्षात येताच कुटुंबियांनी त्यास तात्काळ सिन्नरफाटा येथील साई केअर हॉस्पिटल येथे दाखल केले असता वैद्यकीय सुत्रांनी मृत घोषीत केले. याप्रकरणी नाशिकरोड पोलीस ठाण्यात मृत्युची नोंद करण्यात आली असून अधिक तपास हवालदार उजागरे करीत आहेत.