अल्पवयीन मुलाची आत्महत्या
नाशिकः राहत्या घरी १५ वर्षीय अल्पवयीन मुलाने गळफास लावून घेत आत्महत्या केल्याची घटना बुधवारी (दि.२८) सायंकाळी गंगापुररोडवरील पारिजात नगर येथे घडली. योजीत शैलेश पाटील (१५, रा. साई अव्हेन्यु सोसायटी, समर्थनगर, पारिजातनगर, गंगापूर रोड) असे आत्महत्या करणार्‍या मुलाचे नाव आहे. पोलीसांनी दिलेल्या माहितीनुसार योजीत याने बुधवारी सायंकाळी साडेसहा वाजेच्या सुमारास राहते घरातील जीमच्या रॉडला ओढणी बांधून गळफास लावून घेतला. ही बाब कुटुंबियांच्या लक्षात येताच त्यास तातडीने खासगी रूग्णालयात दाखल करण्यात आले. परंतु तत्पुर्वीच त्याचा मृत्यू झाल्याचे डॉ. जाधव यांनी तपासून घोषीत केले. याप्रकरणी गंगापूर पोलीस ठाण्यात नोंद करण्यात आली आहे.
…..
दोन दुचाकी अपघातात तिघे जखमी
नाशिकः शहरात विविध दोन ठिकाणी झालेल्या वेगवेगळ्या दुचाकींच्या अपघातात तीघेजन गंभीर जखमी झाल्याच्या घटना राणे डेअरी तसेच गंगापूर रोडवरील आनंदवल्ली भागात घडल्या.
गंगापूर रोडवर आनंदवल्ली परिसरात भरधाव दुचाकी स्लीप होऊन आकाश खंडू वाबळे (२६, रा. शिवाजीनगर, गंगापूर) हा युवक गंभीर जखमी झाला. ही घटना मंगळवारी (दि.२७) रात्री ९ वाजेच्या सुमारास घडली. या प्रकरणी गंगापूर पोलीस ठाण्यात गुन्हा दाखल करण्यात आला आहे. दुसरी घटना राणे डेअरी परिरात दुपारी ४ वाजता घडली. यामध्ये शरद निवृत्ती पांगरे (रा. जुने सिडको) व विष्णु पंढरिनाथ खुबे (३२, रा. जुने सिडको, नाशिक) हे जखमी झाले आहेत. या प्रकरणी खुबे यांनी तक्रार दाखल केली आहे. त्यानुसार २५ एप्रिलला दुपारी चार वाजेच्या सुमारास खुबे व पांगरे हे त्यांच्या एमएच १५ जीजी ९२५२ या मोपेड वरून राका नर्सरीकडून राणे डेअरीजवळ रस्ता ओलांडत असताना भरधाव आलेल्या अज्ञात काळ्या रंगाच्या बजाज पल्सरवरील चालकाने त्यांना जोराची धडक दिली. यामध्ये पांगरे व खुबे दोघे गंभीर जखमी झाले तर पल्सर चालक मदत न करता पळून गेला. याप्रकरणी सरकारवाडा पोलीस ठाण्यात गुन्हा दाखल करण्यात आला आहे.
