नाशिक – लग्नाचे आमिष दाखवून तरूणीवर बलात्कार

लग्नाचे आमिष दाखवून तरूणीवर बलात्कार
नाशिक : लग्नाचे आमिष दाखवून एकाने तरूणीवर बलात्कार केल्याचा प्रकार समोर आला आहे. संशयीताने मारहाण करीत लग्नास नकार दिल्याने व अश्लिल फोटो व्हायरल करण्याची धमकी देण्यात आल्याने हा प्रकार पोलीसात पोहचला असून याप्रकरणी मुंबईनाका पोलीस ठाण्यात बलात्काराचा गुन्हा दाखल करण्यात आला आहे. अभिजीत अरूण जाधव (३० रा.शकुंतला अपा.सागर स्विट जवळ अशोका मार्ग) असे संशयीताचे नाव आहे. पोलीसांनी दिलेल्या माहितीनुसार संशयीत आणि पीडिता यांच्यात मैत्रीचे संबध होते. काही दिवसांनी त्यात प्रेमाचे रूपांतर झाले. संशयीताने पीडितेस लग्नाचे आमिष दाखविले. ६ फेब्रुवारी २०१८ ते १८ जून २०२१ दरम्यान संशयीताने लग्नाचे आमिष दाखवून आपल्या घरी पीडितेस घेवून जात वेळोवेळी बलात्कार केला. युवतीने लग्नाचा तगादा लावला असता संशयीताने तिला शिवीगाळ करीत मारहाण केली. तसेच यावेळी त्याने पिडीतेचे अश्लिल फोटो सोशल मिडीयावर व्हायरल करण्याची धमकी दिल्याने युवतीने पोलीस ठाणे गाठले असून अधिक तपास सहाय्यक निरीक्षक साजिद मन्सुरी करीत आहेत.

……

छोटोहत्ती दुचाकी अपघातात एक ठार
नाशिक : ओव्हरटेक करून अचानक यू टर्न घेतल्याने छोटाहत्ती टेम्पो आणि दुचाकी यांच्यात झालेल्या अपघातात एक जण ठार झाला. हा अपघात अंबड लिंकरोड भागात झाला. या अपघातात दुचाकीवरील अन्य एक जण जखमी झाला असून याप्रकरणी टेम्पो चालकाविरूध्द अंबड पोलीस ठाण्यात अपघाताचा गुन्हा दाखल करण्यात आला आहे. मोहम्मद फैसल सलाउद्दीन पठाण (रा.संजीवनगर,अंबड) असे अपघातात ठार झालेल्या दुचाकीस्वाराचे नाव आहे. याप्रकरणी राशिद जमिल सिध्दीकी (३० रा.संजीवनगर) यांनी तक्रार दाखल केली असून ते अपघातात जखमी झाले आहेत. पठाण आणि सिध्दीकी हे दोघे मित्र सोमवारी (दि.२१) दुपारच्या सुमारास पाथर्डी फाट्याकडून संजीवनगरच्या दिशेने दुचाकीवर (एमएच १५ जीवाय ०७७५) प्रवास करीत असतांना हा अपघात झाला. अंबड लिंक रोडने एक्स्लो पॉईंट मार्गे दोघे मित्र आपल्या घराकडे जात असतांना सुरज गॅरेज समोर पाठीमागून भरधाव आलेल्या छोटा हत्ती एमएच ४७ ई ३१५६ टेम्पोने दुचाकीस ओव्हरटेक केले. व काही अंतरावर अचानक यू टर्न घेतल्याने हा अपघात झाला. यावेळी दुचाकी टेम्पोवर आदळल्याने दोघे मित्र पडले होते. या घटनेत पठाण याच्या डोक्यास गंभीर दुखापत झाल्याने त्याचा मृत्यु झाला तर सिध्दीकीवर जखमी अवस्थेत उपचार सुरू आहेत. याप्रकरणी टेम्पो चालक रफिक बाबुल शेख (रा.संजीवनगर) यांच्याविरूध्द अपघाताची नोंद करण्यात आली असून अधिक तपास उपनिरीक्षक शेवाळे करीत आहेत.