नाशिक : सिबीएस बसस्थानकात बहिणीच्या बॅगेत ठेवलेली वृध्देची लाखाची सोन्याची पोत, भामट्यांनी लंपास केली. सरकारवाडा पोलिस ठाण्यात या चोरी प्रकरणी गुन्हा दाखल करण्यात आला आहे. बाकड्यावर ठेवलेल्या बॅगेची अज्ञात चोरट्यांनी चैन उघडून त्यातील पोत चोरून नेली. निफाड तालुक्यातील दिक्षी येथील मंजूळाबाई लक्ष्मण पवार या गुरूवारी सायंकाळच्या सुमारास बाहेरगावी जाण्यासाठी आपल्या बहिणीसमवेत सीबीएस बसस्थानकात आल्या होत्या. त्यावेळेस ही घटना घडली. त्यांनी घरातून निघतांना तीन तोळे वजनाची सोन्याची पोत बहिणीच्या बॅगेत ठेवली होती. या दोन्ही बहिणी स्थानकातील आसनावर बसून बसची प्रतिक्षा करीत असतांना ही घटना घडली.
