नाशिक : कॅनडा कॉर्नर भागात भरधाव कारने धडक दिल्याने अ‍ॅटोरिक्षातील प्रवाश्याचा मृत्यू झाला. याप्रकरणी सरकारवाडा पोलिस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार बापू कुमार असे मृत प्रवाश्याचे नाव आहे. बापू कुमार हे सोमवारी अ‍ॅटोरिक्षातून प्रवास करीत असतांना हा अपघात झाला होता. कॅनडा कॉर्नर परिसरातून रिक्षा जात असतांना समोरून भरधाव आलेल्या अज्ञात कारने रिक्षास हुलकावणी देत धडक दिली. या अपघातात बापू कुमार हे प्रवासी जखमी झाले होते. उपचारादरम्यान त्यांचा मृत्यू झाला. याप्रकरणी पोलिस नाईक गायकवाड यांनी दिलेल्या तक्रारीवरून कार सोडून पोबारा करणा-या निदेश चव्हाण या चालकाविरूध्द गुन्हा दाखल करण्यात आला असून अधिक तपास उपनिरीक्षक भटू पाटील करीत आहेत.
भरधाव कारने धडक दिल्याने अ‍ॅटोरिक्षातील प्रवाश्याचा मृत्यू
