नाशिक : दिंडोरी रोडवरील संभाजीनगर भागात कुटुंबिय बाहेरगावी गेल्याची संधी साधत चोरट्यांनी घरफोडून सुमारे पावणे तीन लाखाच्या ऐवज लंपास केला आहे. या घरफोडीत चोरट्यांनी रोकडसह सोन्याचांदीचे दागिने चोरुन नेले. प्रवीणकुमार मुलचंद राठोड (रा. नादब्रह्म रेसी.संभाजीनगर) यांनी याप्रकरणी तक्रार दाखल केली आहे. राठोड कुटुंबिय ३ ते १३ जून दरम्यान बाहेरगावी गेले असता ही घटना घडली. अज्ञात चोरट्यांनी बंद फ्लॅटचे सेफ्टी लॉक तोडून बेडरूममधील कपाटातून २२ हजाराची रोकड व सोन्याचांदीचे दागिणे असा सुमारे ३ लाख १९ हजाराचा ऐवज चोरून नेला. याप्रकरणी म्हसरूळ पोलिस ठाण्यात घरफोडीचा गुन्हा दाखल करण्यात आला आहे. अधिक तपास सहाय्यक निरीक्षक पाटील करीत आहेत.
दिंडोरी रोडवरील संभाजीनगर भागात घरफोडी; पावणे तीन लाखाचा ऐवज लंपास
प्रातिनिधिक फोटो
