नाशिक – चार वेगवेगळ्या शोरुमच्या दुकानातील तिजोरीतून रोकड, धनादेशासह ४ लाख ८६ हजाराचा ऐवज चोरट्यांनी लंपास केल्याची घटना घडली आहे. शनिवारी रात्री ही चोरी झाली आहे. मोरीस गॅरेज, फोक्स वॅगन, ऑडी शोरुम, स्कोडा शोरुम अशा चार शोरुममध्ये चोरट्यानी ही चोरी केली. मोरीस गॅरेज मधून ३ लाख ५६ हजार, फॉक्स वॅगनमधून ९७ हजाराचे धनादेश, ऑडी शोरुममधून ११ हजाराचे तर स्कोडा शोरुममधून २२ हजार रुपये चोरट्याने लंपाल केले. शोरुमध्ये केबीनच्या काचा फोडून केबीनमध्ये घुसुन चोरट्यांनी हा डल्ला मारला. याप्रकरणी हिमाशु सतीश जोशी (वय ४९, सम्राट सिंफनी, नागरे नगर पाथर्डी फाटा) यांनी तक्रार केली आहे. या तक्रारीवरुन अंबड पोलिस ठाण्यात गुन्हा दाखल करण्यात आला आहे.
