तपोवन परिरातील नदीपात्रात बुडून युवकाचा मृत्यु
नाशिकः शहरातील तपोवन परिरातील नदीपात्रात बुडून निफाड येथील युवकाचा मृत्यु झाल्याची घटना मंगळवारी (दि.१५) सायंकाळी घडली. बन्सी धमेंद्र वाघ (२७, रा. अमोल श्‍वासलेन, निफाड) असे मृत्यु झालेल्या युवकाचे नाव आहे. पोलीसांनी दिलेल्या माहितीनुसार मंगळवारी सायंकाळी पाच वाजेच्या सुमारास त्याचा मृतदेह तपोवन परिसरातील केवडीबन येथील नदीपात्रात आढळून आला. त्याची आत्महत्या की, बुडून मृत्यु याबाबत पोलीस अधिक तपास करत आहेत. याप्रकरणी आडगाव पोलीस ठाण्यात नोंद करण्यात आली आहे. अधिक तपास पोलीस हवालदार लोहकरे करत आहेत.
…..
युवतीची आत्महत्या
नाशिकः राहत्या घरी विषारी औषध सेवन करून युवतीने आत्महत्या केल्याची घटना विंचुरगवळी येथे सोमवारी (दि.१४) सायंकाळी घडली. अक्षदा सुभाष जाधव (१८, रा. राजवाडा, विंचुरगवळी) असे आत्महत्या करणार्‍या युवतीचे नाव आहे. पोलीसांनी दिलेल्या माहितीनुसार अक्षदा हिने सोमवारी सायंकाळी राहत्या घरात विषारी औषध सेवन केले. तीला तातडीने जिल्हा रूग्णालयात हलवण्यात आले. तीच्यावर उपचार सुरू असताना तीचा मृत्यु झाला. याप्रकरणी आडगाव पोलीस ठाण्यात नोंद करण्यात आली आहे.
…..
दुचाकी चोरी
नाशिकः शहरात वाहन चोरीचे सत्र सुरूच असून मार्केट यार्ड परिसरातून दुचाकी चोरीला गेल्याचा प्रकार समोर आला आहे. याप्रकरणी महावीर लक्ष्मण तांबडे (रा. तारवालानगर, पंचवटी) यांनी तक्रार दाखल केली आहे. त्यानुसार तांबडे यांनी ५ जुन रोजी त्यांची एमएच १५, डीएफ २९१७ क्रमांकांची हिरो कंपनीची दुचाकी बाजार समिती आवारातील कार्यालयाच्या समोर पार्क केली होती. त्याच दिवशी अज्ञात चोरट्यांनी ही दुचाकी लंपास केली. याप्रकरणी पंचवटी पोलीस ठाण्यात गुन्हा दाखल करण्यात आला आहे.
