दुकानात घुसून तोडफोड, मारहाण; चौघांविरोधात गुन्हा दाखल
नाशिक – दुकानात घुसून तोडफोड करीत एकाला मारहाण केल्या प्रकरणी चौघांविरोधात गुन्हा दाखल करण्यात आला आहे. जेल रोडला ढिकलेनगर भागात देवीदर्शन अपार्टमेंट मध्ये ही घटना घडली. या घटनेनंतर नंदकिशोर गगनदेव ठाकूर (वय ४८, लोखंडे मळा सायखेडा रोड) यांनी तक्रार दिली आहे. या तक्रारीवरुन विराज प्रदीप काळे यांच्यासह चौघां विरोधात नाशिक रोड पोलिस ठाण्यात गुन्हा दाखल झाला आहे. तक्रारदार ठाकूर व संशयित काळे हे दोघे एकाच सोसायटीत रहायला आहेत. शुक्रवारी रात्री साडेआठच्या सुमारास काळे हा त्याच्या तीन मित्रांसह ढिकले नगर येथील ठाकूर यांच्या पार्लर मध्ये आला व त्याने शिवीगाळ करीत दुकानावर दगडफेक करीत नुकसान केले.
दशक्रिया विधीसाठी आलेल्या महिलेच्या पर्समधील मोबाईल चोरट्यांनी केला लंपास
नाशिक – दशक्रिया विधीसाठी आलेल्या महिलेच्या पर्समधील मोबाईल चोरट्यांनी लंपास केल्यची घटना रामकुंडावर घडली आहे. याप्रकरणी मनीषा विजयंत महाडीक (वय ४८, इन्फ्रट्री इतराणा, राजस्थान ) यांच्या तक्रारीवरुन पंचवटी पोलिस ठाण्यात गुन्हा दाखल झाला आहे. तक्रारदार मनीष महाडीक शनिवारी (दि.११) त्यांच्या काकाच्या दशक्रिया विधीसाठी रामकुंडावर आल्या होत्या. त्यावेळी गर्दीत त्यांची पर्स बाजूला ठेवली असताना. चोरट्याने त्यांच्या पर्समधील सिक्स पी मॉडेल, मोबाईल चोरुन नेले. याप्रकरणी पंचवटी पोलिस ठाण्यात गुन्हा दाखल करण्यात आला आहे.
