नाशिक : औद्योगीक वसाहतीतील दत्तनगर भागात भरधाव अ‍ॅटोरिक्षाने दिलेल्या धडकेत दुचाकीस्वार ठार झाल्याची घटना घडली आहे. निखील केरू गावय (१८ रा.लांडगेवाडी,वाडिव-हे ता.इगतपुरी) असे मृत दुचाकीस्वाराचे नाव आहे. याप्रकरणी अंबड पोलिस ठाण्यात अपघाताची नोंद करण्यात आली आहे. गावय गुरूवारी सायंकाळच्या सुमारास एमएच १५ जीटी ४०७९ या दुचाकीवर औद्योगीक वसाहतीतून प्रवास करीत असतांना हा अपघात झाला होता. दत्तनगर परिसरातील एपीसी कंपनी जवळ समोरून भरधाव आलेल्या अज्ञात अ‍ॅटोरिक्षाने दुचाकीस धडक दिल्याने तो गंभीर जखमी झाला होता. या अपघातात पायास दुखापत झाल्याने त्याचा मृत्यू झाला. याप्रकरणी बाजीराव लहाणगे यांनी दिलेल्या तक्रारीवरून पोलिस दप्तरी अपघाताची नोंद करण्यात आली असून अधिक तपास हवालदार चव्हाण करीत आहेत.
