नाशिक : श्रीरामनगर भागात घरासमोर पार्क केलेल्या अ‍ॅटोरिक्षातून चोरट्यांनी म्युझिक सिस्टीम व बॅटरी चोरून नेल्याची घटना घडली. या चोरीप्रकरणी राजू काकासाहेब शिंदे यांनी तक्रार दाखल केली असून पंचवटी पोलिस ठाण्यात चोरीचा गुन्हा दाखल करण्यात आला आहे. शिंदे यांनी त्यांची अ‍ॅटोरिक्षा बुधवारी रात्री नेहमी प्रमाणे त्यांच्या घरासमोर पार्क केलेली असतांना ही चोरी झाली. अज्ञात चोरट्यांनी रिक्षातील म्युझिक सिस्टीमचे बास ट्यूब आणि एक्साईड कंपनीची बॅटरी असा सुमारे ९ हजार रूपये किमतीचा ऐवज चोरून नेला. अधिक तपास पोलिस नाईक काळे करीत आहेत.
