नाशिक : सामनगाव रोडवर भरधाव दुचाकी घसरल्याने ५९ वर्षीय चालकाचा मृत्यू झाल्याची घटना घडली आहे. रविंद्र दिवानसिंग महाले (रा.अश्विनी कॉलनी,सामनगावरोड) असे मृत दुचाकीस्वाराचे नाव आहे. महाले बुधवारी रात्री आपल्या दुचाकीवरुन अश्विनी कॉलनीकडून ते नाशिकरोडच्या दिशेने जात असतांना भरधाव दुचाकी घसरल्याने ते गंभीर जखमी झाले होते. पुतण्या वैभव महाले यांनी तात्काळ सोपान हॉस्पिटल येथे दाखल केले. गुरूवारी उपचार सुरू असतांना डॉ.संजय वराडे यांनी त्यांना तपासून मृत घोषीत केले. अधिक तपास पोलिस नाईक ठेपणे करीत आहेत. याप्रकरणी नाशिकरोड पोलिस ठाण्यात मृत्यूची नोंद करण्यात आली आहे.
