नाशिक : पेठरोड भागात तंबाखू दिली नाही या कारणातून त्रिकुटाने एकास बेदम मारहाण केल्याची घटना घडली. याप्रकरणी फुलदेव बादशाह शाह (३० रा.शनिमंदिरामागे,नवनाथनगर) या युवकाने तक्रार दाखल केली असून पंचवटी पोलिस ठाण्यात गुन्हा दाखल करण्यात आला आहे. या घटनेत दगड फेकून मारल्याने तरूण जखमी झाला आहे. बॉबी मच्छींद्र बाबर (रा.गौंडवाडी,फुलेनगर) व त्याचे दोन अनोळखी साथीदार असे तरूणास मारहाण करणा-या संशयितांची नावे आहेत. शाह रविवारी (दि.५) रात्री घराजवळील शनिमंदिर भागात असतांना परिचीत बाबरसह त्याच्या साथीदारांनी त्यास गाठले. यावेळी तंबाखूची मागणी करण्यात आली मात्र शाह यांनी त्यांना तंबाखू नसल्याचे सांगितल्याने संतप्त त्रिकुटाने शिवीगाळ करीत शाह यांना बेदम मारहाण केली. यावेळी संशयित बाबर याने दगड फेकून मारल्याने शाह जखमी झाले असून अदिक तपास हवालदार शेळके करीत आहेत.
तंबाखू दिली नाही या कारणातून त्रिकुटाने एकास बेदम मारहाण
प्रातिनिधीक फोटो
