नाशिक – म्हसरूळ परिसरात पतीने पत्नीवर धारदार शस्त्राने वार करून गंभीर जखमी करत, स्वतः आत्महत्या केल्याची घटना घडली आहे. पतीने पत्नीवर धारदार शस्त्राने वार केला. त्यानंतर पतीने घरावरून उडी घेत आत्महत्या करून आपला जीव संपवला आहे. राजू रतनसिंग ठाकूर (वय ५०) असे या आत्महत्या केलेल्या पतीचे नाव आहे. त्याने पहिले पत्नी चंदा राजूसिंग ठाकूर (वय ४५) हिच्या गळ्यावर वार केला. त्यानंतर पतीने घराच्या तिसऱ्या मजल्यावरून गॅलरीतून उडी मारून आत्महत्या केली. ही घटना आज दुपारी चार वाजेच्या सुमारास घडली. म्हसरूळच्या रामकृष्ण नगर येथील लक्ष्मी अपार्टमेंट मधील फ्लॅट नंबर ६ येथे ही घटना घडली. घरगुती वादातून पती-पत्नीत भांडण झाल्याने, त्यातून ही घटना घडली. पतीचा पत्नीवर संशय असल्याने तो सतत पत्नीला त्रास देत होता. पतीने केलेल्या या हल्ल्यात पत्नी गंभीर जखमी झालेली आहे. तर पतीचा मृत्यू झाला आहे. या घटनेची माहीती मिळताच पोलिस उपायुक्त अमोल तांबे, पोलिस अधिकारी सुधीर पाटील यांनी पथकासह घटनास्थळी धाव घेतली. म्हसरूळ पोलिसांनी घटनास्थळी धाव घेतली असून, पोलिस पुढील तपास करत आहे. दरम्यान, या गंभीर घटनेने परिसरात हळहळ व्यक्त केली जात आहे.
