नाशिक – एकाच दिवशी विविध भागातून ४ दुचाकी चोरट्यांनी केल्या लंपास

चार दुचाकी लंपास
नाशिकः शहरात वाहन चोरीचे सत्र सुरू असून एकाच दिवशी विविध भागातून ४ दुचाकी चोरट्यांनी लंपास केल्याचे समोर आले आहे. याप्रकरणी आडगाव, गंगापुर, अंबड, मुंबईनाका या पोलीस ठाण्यांमध्ये नोंद करण्यात आली आहे. गंगापुर रोडवरील श्रीगुरूजी रूग्णालयासमोर पार्क केलेली दुचाकी चोरट्यांनी लंपास केली. याप्रकरणी संजय पोपट लहांगे (५०, रा. निमाणी बस स्टँडजवळ, पंचवटी) यांनी तक्रार दिली आहे. त्यानुसार त्यांनी ८ जुन रोजी दुचाकी पार्क केली होती. ती आढळून न आल्याने तक्रार दाखल केली . दुसरी घटना आडगाव माडसांगवी परिसरात २ मार्च दरम्यान घडली. याप्रकरणी अविनाश आनंदराव पठाडे (रा. आडगाव, पोलीस सोसायटी) यांनी तक्रार दाखल केली आहे. त्यांची दुचाकी शेताच्या बांधावरून चोरट्यांनी पळवून नेली. वडाळारोडवरील नागजी सिग्नल जवळ राहणारे तौसिफ मेहमुद शेख यांनी दिलेल्या तक्रारीनुसार त्यांची अॅक्टीवा दुचाकी इमारतीच्या पार्किंमधून चोरट्यांनी ९ जुनच्या मध्यरात्री चोरून नेली. याप्रकरणी मुंबईनाका पोलीस ठाण्यात गुन्हा दाखल करण्यात आला आहे. चौथी घटना नवीन नाशिकच्या पाटीलनगर येथे घडली. येथील संजय बळीराम पाटील यांनी दिलेल्या तक्रारीनुसार त्यांची लाल रंगाची बजाज पल्सर दुचाकी चोर्‍यांनी घरासमोरून चोरून नेली. याप्रकरणी अंबड पोलीस ठाण्यात नोंद करण्यात आली आहे.

….

अपघाता जखमीचा मृत्यु
नाशिकः पुणे – नाशिक महामार्गावर पळसे येथे अपघतात गंभीर जखमी झालेल्या व्यक्तीचा उपचार दरम्यान मृत्यू झाला . विजु रामु मुकणे (४५, रा. भरवीर ता. इगरपुरी) असे मयत झालेल्या व्यक्तीचे नाव आहे. याप्रकरणी पोलीसांनी दिलेल्या माहितीनुसार १० जुनला पुणे – नाशिक महामार्गावर पळसे येथे दुचाकीचा अपघात होऊन मुकणे हे गंभीर जखमी झाले होते. टोलनाका ऍम्बुन्सद्वारे त्यांना जिल्हा रूग्णालयात दाखल करण्यात आले होते. दरम्यान उपचार सुरू असताना शनिवारी त्यांचा मृत्यु झाला. याप्रकरणी नाशिकरोड पोलीस ठाण्यात नोंद करण्यात आली आहे.

…..

गळफास घेऊन युवकाची आत्महत्या
नाशिकः राहते घरी गळफास घेऊन युवकाने आत्महत्या केल्याची घटना शनिवारी (दि.१२) सातपुर परिसरात घडली. अनिकेत सुरेश दराडे (२० ,रा. अशोकनगर, सातपुर ) असे आत्महत्या करणार्‍या युवकाचे नाव आहे. पोलीसांनी दिलेल्या माहितीनुसार दराडे याने शनिवारी दुपारी राहते घरात दोरीच्या सहाय्याने छताच्या पंख्यास गळफास घेऊन आत्महत्या केली. याप्रकरणी सातपुर पोलीस ठाण्यात नोंद करण्यात आली आहे.

….