नाशिक : औद्योगीक वसाहतीतील डायनामिक सोसा कंपनीत शटरचा कडीकोयंडा तोडून चोरट्यांनी लाखाचे रॉ मटेरियल चोरून नेल्याची घटना घडली आहे. याप्रकरणी अंबड पोलिस ठाण्यात घरफोडीचा गुन्हा दाखल करण्यात आला आहे. विजय भिकुलाल लाहोटी (रा.पुष्टीपार्क) यांनी याप्रकरणी तक्रार दाखल केली आहे. लाहोटी यांचा अंबड औद्योगीक वसाहतीतील प्लॉट नं. एफ ९ – १२ या भूखंडावर डायनामिक सोसा नावाचा कारखाना आहे. शनिवारी कारखान्यास साप्ताहीक सुट्टी असल्याने शुक्रवारी (दि.२७) रात्री ते कंपनी बंद करून घरी परतले असता ही घटना घडली. अज्ञात चोरट्यांनी बंद कपनीचे शटरचे कुलूप तोडून आवारातील ब्रॉस धातूचे रॉ मटेरियल,मास्टर पिस,या धातू पासून बनविलेली श्री यंत्र आणि कटींग टूल किट असा सुमारे एक लाख ५ हजार रूपये किमतीचा ऐवज चोरून नेला. अधिक तपास उपनिरीक्षक पवार करीत आहेत.
औद्योगीक वसाहतीतील डायनामिक सोसा कंपनीत रॉ मटेरियलची चोरी
