रिक्षातून पडल्याने ज्येष्ठ नागरिकाचा मृत्यु
नाशिक – रिक्षातून पडल्याने ज्येष्ठ नागरिकाचा मृत्यु झाल्याची घटना नाशिक रोड- गोरेवाडी सामनगाव रस्त्यावर घडली. गोकुळ नानाजी पगारे (वय ८३, आगर टाकळी ) असे मृत ज्येष्ठ नागरिकाचे नाव आहे. पोलिसांनी दिलेल्या माहीतीनुसार, मृत गोकूळ पगारे हे मागील आठवड्यात शनिवारी सव्वा पाचच्या सुमारास गोरेवाडीतून सामनगाव रोड कडे रिक्षाने जात असतांना गोरेवाडी प्रेस क्वार्टस जवळ रिक्षातून पडल्याने त्यांच्या डोक्याला व हाता पायाला मार लागला. त्यांचा नातून सुमित रविकांत बर्वे यांने त्यांना उपचारासाठी आडगावला मेडीकल कॉलेज येथे दाखल केले होते. उपचार सुरु असतांना काल शनिवारी पहाटे सव्वा तीनला डॉ. सुयश सुराणा यांनी मृत घोषीत केले.
दुचाकी चोरीच्या दोन घटना
नाशिक – शहरात दुचाकी चोरीच्या दोन घटना घडल्या आहे. पहिल्या घटनेत प्रसाद जालिदर सुर्यवंशी (वय २४, सुनंदन निवास कलानगर म्हसरुळ) याच्या तक्रारीवरुन पंचवटी पोलिस ठाण्यात गुन्हा दाखल झाला आहे. पोलिसांनी दिलेली माहीती अशी बुधवारी (दि. २५) प्रसाद सुर्यवंशी याने त्याची स्ल्पेंडर प्लस (एमएच १५बीके २८८६) ही बाजार समितीतील पोलिस चौकीमागे लावली असतांना चोरट्यांने त्याची दुचाकी चोरुन नेली. दुसऱ्या घटने आलम सुभाईनभाई शेख (वय ५५, नायगाव रोड, शिंदेगाव) याच्या तक्रारीवरुन नाशिक रोड पोलिस ठाण्यात गुन्हा दाखल झाला आहे. पोलिसांनी दिलेली माहीती अशी आलम शेख यांनी त्यांची दुचाकी (एमएच १५ बीयु २८३८) हि त्यांच्या घरासमोर लावली असता बुधवारी रात्रीतून चोरट्यांने त्यांची दुचाकी चोरुन नेली
