नाशिक – वितरक नेमणुकीच्या नावे दोन लाखाची फसवणूक, सायबर पोलीस ठाण्यात गुन्हा दाखल

वितरक नेमणुकीच्या नावे दोन लाखाची फसवणूक
नाशिकः मोबाईलवर संपर्क साधून सीसीटिव्ही व एलईडी टिव्हींचे वितरक म्हणुन नेमणुक करण्याच्या नावे भामट्यांनी ऑनलाईन एकास २ लाख १४ हजार रूपयांना गंडा घातल्याचा प्रकार उघडकीस आला आहे.
याप्रकरणी निकेश भाऊसाहेब कासार (२९, रा. पाटीलनगर, नवीन नाशिक) यांनी तक्रार दाखल केली आहे. त्यानुसार १३ ऑगस्ट २०२० ते २३ नोव्हेंबर २०२० दरम्यान अज्ञात व्यक्तींनी ग्लोबल सोलूशन कंपनतून बोलत असल्याचे सांगुन सीसीटिव्ही तसेच एलईडी टिव्हींचे वितरक म्हणून संधी देण्यासाठी २ लाख १४ हजार विविध बँक खात्यांवर ऑनलाईन भरण्यास भाग पाडून फसवणूक केली. याप्रकरणी सायबर पोलीस ठाण्यात शनिवारी (दि.१२) गुन्हा दाखल करण्यात आला आहे. अधिक तपास पोलीस निरिक्षक परोपकारी करत आहेत.

….

लग्नाच्या अमिषाने अत्याचार
नाशिकः लग्नाचे अमिष दाखवून एकाने युवतीवर वेळोवेळी अत्याचार केल्याची घटना समोर आली आहे. प्रशांत बाळु भालेराव (रा. अरिंगळेमळा, एकलहरेरोड, नाशिकरोड) असे संशयिताचे नाव आहे. याप्रकरणी पीडितेने दिलेल्या तक्रारीनुसार मे २०२० दरम्यान संशयितांने पीडितेशी ओळख वाढून लग्नाचे अमिष दिले होते. यानंतर नोव्हेंबर २०२० पर्यंत वेळोवेळी पीडितेवर अत्याचार केले. याप्रकरणी नाशिकरोड पोलीस ठाण्यात बलात्काराचा गुन्हा दाखल करण्यात आला आहे. अधिक तपास उपनिरिक्षक जाधव करत आहेत.