नाशिक : डीजीपीनगरमध्ये विहीरीत पाय घसरून पडल्याने ३० वर्षीय तरूणाचा मृत्यू

नाशिक : डीजीपीनगर नं.१ मध्ये विहीरीत पाय घसरून पडल्याने ३० वर्षीय तरूणाचा मृत्यू झाल्याची घटना घडली. सागर अशोक भांगर (रा.गोविंदनगर,डिजीपी) असे विहीरीत पडल्याने मृत्यू झालेल्या तरूणाचे नाव आहे. भांगर सोमवारी (दि.१६) रात्री आपल्या घराजवळील उघड्या विहीरीजवळून पायी जात असतांना ही घटना घडली. पायवाटेने तो जात असतांना अचानक पाय घसरून तो विहीरीत पडला होता. ही बाब निदर्शनास येताच कुटूंबियांसह परिसरातील नागरीकांनी मदतकार्य हाती घेत त्यास विहीरीबाहेर काढले परंतू या घटनेत त्यास गंभीर दुखापत झाली होती. कुटूंबियांनी त्यास तात्काळ जिल्हा रूग्णालयात दाखल केले असता उपचारापूर्वी वैद्यकीय सुत्रांनी त्यास मृत घोषीत केले. याप्रकरणी उपनगर पोलीस ठाण्यात मृत्यूची नोंद करण्यात आली आहे. अधिक तपास जमादार गांगुर्डे करीत आहेत.