देवळाली कॅम्प येथे एअरफोर्समध्ये कमांडींग ऑफीसरच्या वेटींग रुममध्ये लिपिकाने केला आत्महत्येचा प्रयत्न; गुन्हा दाखल
नाशिक – देवळाली कॅम्प एअरफोर्स स्टेशनमध्ये कमांडींग ऑफीसरच्या कार्यालयीतल वेटींग रुममध्ये तेथील लिपिकाने आत्महत्येचा प्रयत्न केल्याचा प्रकार समोर आला आहे. समीर सुरेश घिरडे (वय ३७, दुर्गा सोसायटी, विजयनगर भगूर) असे कमाडिंग ऑफिसरच्या केबीनमध्ये आत्महत्येचा प्रयत्न करणा-या लिपिकाचे नाव आहे. याप्रकरणी देवळाली कॅम्प पोलिस ठाण्यात गुन्हा दाखल झाला आहे. याप्रकरणी राकेशकुमार राजनाथ मिश्रा (वय ५०, साउथ एयसफोर्स) यांच्या तक्रारीवरुन देवळाली कॅम्प पोलिस ठाण्यात नोंद करण्यात आली आहे. पोलिसांनी दिलेल्या माहीती नुसार सोमवारी (दि.९) साउथ एयरफोर्स येथील इक्विपमेंट डेपोतील कमांडिक ऑफीसर एयर कमोडोर प्रदीप कुमार नायर यांच्या कार्यालयातील वेटिंग रुम २५ मध्ये साडे आठच्या सुमारास लिपीक समीर धिरडे यांनी विष घेउन आत्महत्येचा प्रयत्न केला.
दोन दुचाकीच्या अपघातात एक महिला जखमी
नाशिक – दोन दुचाकीच्या अपघातात एक महिला जखमी झाल्याची घटना घडली आहे. नाशिक रोडला उड्डाणपूलावर भरधाव दुचाकीने धडक दिल्याने त्यात दुस-या दुचाकीवरुन चाललेली महिला जखमी झाली. पार्वती संतोष पटेल (एकलहरे रोड) असे अपघातात जखमी झालेल्या महिलेचे नाव आहे. बुधवारी (दि.११) रात्री साडे नऊच्या सुमारास देवी चैकातून फुल घेउन उड्डाणपूलावरुन त्यांच्या ज्युपिटर मोपेड (एमएच १५ एचबी ३३१५) दुचाकीवरुन जात असतांना वृदांवन अपार्टमेंटच्या समोर उड्डाण पूलावर नाशिक हून येणाऱ्या दुचाकीस्वाराने जोरदार धडक दिल्याने त्यात महिला जखमी झाली. याप्रकरणी नाशिक रोड पोलिस ठाण्यात अपघाताची नोंद करण्यात आली आहे.
