नाशिक : महामार्गावरील सिध्दीविनायक चौकात भरधाव मालवाहू पिकअपने दिलेल्या धडकेत दुचाकीस्वार ठार झाल्याची घटना घडली आहे. योगेश शांताराम बर्डे (३७ रा.साई मंदिराच्या पाठीमागे,निलगीरीबाग) असे अपघातात ठार झालेल्या दुचाकीस्वाराचे नाव आहे. बर्डे बुधवारी रात्री महामार्गाने बळीमंदिराकडून निलगिरीबागच्या दिशेने आपल्या दुचाकीवर प्रवास करीत असतांना हा अपघात झाला. आडगाव शिवारातील सिध्दीविनायक चौकात समोरून ओव्हरटेक करीत भरधाव आलेल्या एमएच १५ एफ ८६३० या पिकअप वाहनाने दुचाकीस धडक दिली. या अपघातात गंभीर जखमी झालेल्या बर्डे याचा जागीच मृत्यू झाला. याबाबत गणेश बर्डे यांनी दिलेल्या तक्रारीवरून आडगाव पोलीस ठाण्यात पिकअप चालकाविरूध्द गुन्हा दाखल करण्यात आला असून अधिक तपास हवालदार ज्ञानेश्वर कहांडळ करीत आहेत.
नाशिक – भरधाव मालवाहू पिकअपने दिलेल्या धडकेत दुचाकीस्वार ठार
