इंडिया दर्पण ऑनलाईन डेस्क – असे म्हणतात की, ‘प्रेम हे आंधळे असते ‘ प्रेमासाठी प्रियकर प्रेयसी किंवा तरुण-तरुणी काही करायला तयार होतात इतकेच नव्हे तर प्रेमामध्ये बुडालेले हे प्रेमिक आपल्या सख्या नातेवाईकांची किंवा जीवाभावाच्या कुटुंबातील मंडळींची देखील जीव घेण्यास मागे पुढे पाहत नाहीत, असे अनेक घटनांमधून दिसून येते. झारखंडमध्ये देखील अशीच एक घटना घडली आपला सख्खा बापच आपल्या प्रेमात अडथळा ठरतअसल्याचे असल्याने मुलीने चक्क आपल्या बापाच्या खुनाची सुपारी देऊन त्याचा आपल्या प्रेमाच्या मार्गातून काटा काढला. या घटनेमुळे सर्वत्र खळबळ उडाली आहे.
जमशेदपूरला जवळ असलेल्या आदित्यपूर परिसरातील माजी आमदार अरविंद सिंह यांचा मेहुणा कन्हैया सिंग याची मुलगी अपर्णा सिंहने प्रेमात अडसर ठरलेल्या वडिलांना दूर करण्यासाठी मारेकऱ्याला सुपारीत हिऱ्याची अंगठी दिली. अपर्णा सिंग तिचा प्रियकर राजवीर सिंग आणि शूटर निखिल गुप्ता, जिल्हा काँग्रेसचे अध्यक्ष छोटेराई किस्कू यांचा अल्पवयीन मुलगा या हत्येमध्ये सहभागी असलेल्यांना पोलिसांना अटक केली आहे. तसेच फरार असलेल्या अन्य दोन आरोपींचा पोलीस शोध घेत आहेत.
आदित्यपूर येथे झालेल्या हत्याकांडाचा खुलासा करताना सरायकेला-खरसावन जिल्ह्याचे एसपी आनंद प्रकाश म्हणाले की, राजवीर सिंह नावाच्या मुलाचे कन्हैया सिंगची मुलगी अपर्णा हिच्याशी पाच वर्षांपासून प्रेमसंबंध होते, त्याला कन्हैया सिंग सतत विरोध करत होता. कन्हैया सिंग अपर्णा यांना शिवीगाळ करत असे आणि राजवीर सिंग आणि त्यांच्या कुटुंबीयांना धमक्याही दिल्या जात होत्या. मात्र, तरुणीने राजवीरसोबत प्रेमसंबंध सुरू ठेवले. यानंतर कन्हैया सिंहने राजवीरला पुन्हा आपल्या कार्यालयात बोलावून मंदिरावर पिस्तुल रोखून धमकावले. त्याचप्रमाणे राजवीरच्या कुटुंबीयांतील काही जणांचीही कन्हैया सिंगने हत्या केली होती.
आपला बापच आपल्या प्रेमात वारंवार अडथळा आणत असल्यामुळे मुलीच्या मनात तीव्र संताप निर्माण झाला होता. अखेर तिने सुपारी देऊन बापाचा काटा काढण्याचे ठरविले. तिने मारेकऱ्यांना बापाचे लोकेशन दिले. त्यानंतर प्रियकर राजविरसिंगने निखिल गुप्ता आणि त्याच्या दोन साथीदारांना कन्हैया सिंगला मारण्यासाठी पाठवले. तसेच कन्हैया सिंगच्या हत्येसाठी प्रियकर राजवीर सिंगने शूटर निखिल गुप्ताला 5000 रुपये रोख, दारूची बाटली आणि हिऱ्याची अंगठी दिली होती. ही हिऱ्याची अंगठी मृत कन्हैया सिंगची मुलगी अर्पण हिने तिचा प्रियकर राजवीरला दिली होती.
पाच वर्षांपूर्वी राजवीर दहावीत तर अपर्णा आठवीच्या वर्गात शिकत होती. त्यावेळी दोघेही प्रेमात पडले. तीन वर्षांपूर्वी कन्हैया सिंगला सर्व काही कळले. त्यानंतर त्याने मुलगी अपर्णा आणि आरोपी मुलगा या दोघांनाही धमकावले. पण, त्याचवेळी दोघांनीही ठरवले होते की, वडिलांच्या मृत्यूनंतरच दोघांचे एकत्र येणे शक्य आहे. सध्या लग्नाची चर्चा सुरू होती. त्यानंतर खुनाचा कट रचला गेला.
कन्हैया सिंगची हत्या केल्यानंतर राजवीर सिंग शहरातून पळून गेला. तो कोलकाता येथील फार्म हाऊसमध्ये राहत होता. तर निखिल गुप्ता त्याच्या वडिलोपार्जित गाव बक्सरला गेला होता. पण या खूनाच्या घटनेत नाव येत नसताना आता आपण वाचणार असे वाटले. मात्र पोलीस त्याचा माग काढत होते. दरम्यान, तो आदित्यपूर येथे आला, त्यानंतर त्याला अटक करण्यात आली.
दरम्यान, हायप्रोफाईल कन्हैया सिंग हत्या प्रकरणी काँग्रेसने जोरदार आंदोलन केले होते. काँग्रेसचे प्रदेशाध्यक्ष राजेश ठाकूर यांनीही या हत्याकांडाचा निषेध करत मारेकऱ्यांना अटक करण्याचा अल्टिमेटम पोलिसांना दिला आहे. तसेच माजी मुख्यमंत्री मधु कोडा पायीच निषेध पदयात्रेत सामील झाले. खासदार गीता कोडा यांनी या घटनेचा निषेध केला. काँग्रेसजन रस्त्यावर उतरले आणि पोलिसांना घेराव घातला. जिल्हाध्यक्ष छोटेराय किस्कू आंदोलनात सहभागी झाले होते. मात्र छोटेराय किस्कू यांचा अल्पवयीन मुलगाही या हत्येचा सूत्रधार निघाला.
Crime Daughter Killed father for Love Gift Diamond ring Jamshedpur Jharkhand
