मुंबई (इंडिया दर्पण वृत्तसेवा) – बॉलीवूड मधील अभिनेत्री आणि क्रिकेटपटू यांच्या जोड्या गेल्या अनेक वर्षांपासून प्रसिद्ध आहेत त्यापैकीच एक जोडी म्हणजे अभिनेत्री अनुष्का शर्मा आणि प्रसिद्ध क्रिकेटपटू विराट कोहली होय. अनुष्का शर्मा आणि विराट कोहली हे इंडस्ट्रीतील सर्वात लोकप्रिय आणि आकर्षक जोडप्यांमध्ये गणले जातात. त्यांचे चाहते त्यांना पॉवर कपल म्हणतात आणि जेव्हा ही जोडी एकत्र एखाद्या कार्यक्रमात पोहोचते तेव्हा सगळ्यांच्या नजरा विराट-अनुष्कावर असतात.
विराट आणि अनुष्का सध्या त्यांच्या आयुष्यातील सर्वात सुंदर सहभाग एन्जॉय करत आहेत. 11 जानेवारी 2020 रोजी अनुष्का शर्माने एका मुलीला जन्म दिला, ज्याचे नाव दोघांनी वामिका ठेवले आहे. नुकतेच वामिकाचे फोटोही इंटरनेटवर लीक झाले होते.
विराट कोहली आणि अनुष्का शर्मा या दोघांची ऑन-स्क्रीन आणि ऑफ-स्क्रीन केमिस्ट्री अप्रतिम आहे. अनुष्का शर्मा अनेकदा तिचा पती विराट कोहलीचे कपडे परिधान करते आणि तिने एका मुलाखतीत याबद्दल सांगितले. अनुष्का म्हणाली की, ‘मी विराटच्या वॉर्डरोबमधून अनेकदा कपडे चोरून घेते. विशेषतः मी त्याचे टी-शर्ट्स आणि अशा गोष्टी घेते. कधीकधी मी त्याचे जॅकेट घेते. कधी कधी मी असे करते, कारण मी त्याचे कपडे घालते, तेव्हा त्याला ते आवडते.’
विराट कोहली आणि अनुष्का शर्मा यांचे डिसेंबर २०१७ मध्ये इटलीमध्ये लग्न झाले होते. दोघांनीही अतिशय रोमँटिक आणि राजेशाही पद्धतीने लग्न केले होते. विराट कोहली आणि अनुष्का शर्मा यांच्या लग्नाचे फोटो सोशल मीडियावर काही आठवडे व्हायरल होत होते. आता चाहते त्यांच्या मुलीचे फोटो पाहण्यासाठी खूप उत्सुक आहेत पण विराट कोहली आणि अनुष्का शर्मा यांना त्यांच्या मुलीच्या गोपनीयतेचा भंग होऊ नये असे वाटत आहे. मात्र, असे असतानाही एकदा अनुष्का शर्मा आणि तिची मुलगी वामिकाची छायाचित्रे लीक झाली आहेत.
