इंडिया दर्पण ऑनलाईन डेस्क – न्यूझीलंडविरुद्धच्या टी२० मालिकेतील दुसऱ्या सामन्यात सूर्यकुमार यादवने पुन्हा एकदा अशी खेळी खेळली, ज्याचे विराट कोहली ते सचिन तेंडुलकरपर्यंत कौतुक होत आहे. या सामन्यात त्याने केवळ ५१ चेंडूत ११ चौकार आणि ७ षटकारांच्या मदतीने नाबाद १११ धावांची खेळी केली. त्याच्या खेळीचा परिणाम म्हणजे टीम इंडियाने प्रथम फलंदाजी करताना ६ गडी गमावून १९१ धावा केल्या आणि न्यूझीलंडचा संघ केवळ १२६ धावांवर बाद झाला आणि ६५ धावांच्या फरकाने सामना जिंकला. या विजयाचा नायक सूर्यकुमार यादव होता, त्याची ‘प्लेअर ऑफ द मॅच’ म्हणूनही निवड करण्यात आली. त्याच्या या स्फोटक खेळीनंतर रोहित शर्माचे ११ वर्षांपूर्वीचे ट्विट पुन्हा एकदा व्हायरल होत आहे ज्यात त्याने सूर्यकुमार यादवची भविष्यवाणी केली होती.
रोहितने ११ वर्षांपूर्वी काय लिहिले होते?
११ वर्षांपूर्वी रोहितने सूर्यकुमार यादवबद्दल ट्विट केले होते. त्यावेळी त्यांनी त्या ट्विटमध्ये लिहिले होते की, चेन्नईतील बीसीसीआयचा पुरस्कार सोहळा नुकताच संपला आहे. काही रोमांचक क्रिकेटपटू येणार आहेत. मुंबईचा सूर्यकुमार यादव असा फलंदाज असेल, ज्याच्यावर भविष्यात सर्वांची नजर असेल.
आता, जेव्हा सूर्याने एकाच कॅलेंडर वर्षात आपल्या फलंदाजीचा धडाका लावला आहे, तेव्हा चाहत्यांना पुन्हा एकदा रोहितचे हे ट्विट आठवत आहे. यावर चाहते वेगवेगळ्या पद्धतीने प्रतिक्रिया देत आहेत. कोणी रोहितचे आभार मानत आहेत तर कोणी रोहितचे कौतुक करत आहेत की त्याचा सूर्याच्या टॅलेंटवर आधीच विश्वास होता.
सूर्यकुमार यादवसाठी २०२२ हे वर्ष खूप चांगले आहे. इतक्या कमी कालावधीत त्याने टी२० क्रिकेटमध्ये पदार्पणापासून नंबर वनपर्यंतचा प्रवास सहज गाठला आहे. सध्या तो एका कॅलेंडर वर्षात सर्वाधिक धावा करणारा फलंदाज आहे आणि दररोज नवीन विक्रम मोडत आहे. न्यूझीलंडविरुद्धचे शतक हे त्याचे कॅलेंडर वर्षातील दुसरे शतक होते आणि या प्रकरणात त्याने रोहित शर्माची बरोबरी केली.
Cricketer Suryakumar Yadav 11 Years Before Statement
Sports Indian Team Rohit Sharma
