इंडिया दर्पण ऑनलाईन डेस्क – क्रिकेटपटू श्रेयस अय्यरने नवी आलिशान कार खरेदी केली आहे. Mercedes-AMG G 63 4MATIC SUV ही ती कार आहे. श्रेयस अय्यरचा एसयूव्हीसोबतचा फोटो सोशल मीडियावर चांगलाच व्हायरल होत आहे. मुंबईतील मर्सिडीज-बेंझ लँडमार्क कार्सने त्यांच्या वाहनाचा फोटो शेअर केला आहे. या कारची किंमत 2.45 कोटी रुपये (एक्स-शोरूम) आहे.
श्रेयस अय्यर हा नुकत्याच झालेल्या आयपीएलच्या हंगामात 2022 मध्ये कोलकाता नाइट रायडर्स फ्रँचायझीचे नेतृत्व करताना दिसला. अय्यरला कोलकाताने १२.२५ कोटी रुपयांना विकत घेतले. इतर क्रिकेटपटूंप्रमाणे अय्यरलाही महागड्या वाहनांचा शौक आहे. त्याच्याकडे Lamborghini Huracan Supercar आणि Audi RS5 सारख्या इतर गाड्या आहेत.
सोशल मीडियावर छायाचित्रे शेअर करताना लँडमार्क कार्स मुंबईने लिहिले की, “भारतीय क्रिकेटपटू श्री श्रेयस अय्यर यांना नवीन मर्सिडीज-बेंझ जी63 घरी घेऊन जाण्यासाठी अभिनंदन. अतुलनीय ऑफ-रोड आणि ऑन-रोड क्षमतांसह ही कार आहे. आम्ही आमच्या स्टार कुटुंबात तुमचे स्वागत करतो. आणि आशा करतो की, तुम्हाला तुमच्या कव्हर ड्राईव्ह पाहण्याचा जसा आनंद वाटतो तसाच तुम्हाला हा स्टार चालवण्याचा आनंद वाटतो.”
दक्षिण आफ्रिकेविरुद्ध ९ जूनपासून सुरू होणाऱ्या टी-२० मालिकेत श्रेयस अय्यर खेळताना दिसणार आहे. पहिला सामना दिल्लीत होणार आहे. यानंतर कटक (12 जून), विशाखापट्टणम (14 जून), राजकोट (17 जून) येथे सामने होणार आहेत आणि अंतिम सामना 19 जून (रविवार) रोजी बंगळुरूमध्ये होणार आहे. या मालिकेत केएल राहुल भारतीय संघाचे नेतृत्व करताना दिसणार आहे.
