इंडिया दर्पण ऑनलाईन डेस्क – केंद्रीय निवडणूक आयोगाने गुजरात निवडणुकीसाठीच्या तारखा जाहीर केल्या आहेत. गुजरातची दोन टप्प्यात निवडणूक होणार असून एकूण १८२ जागा आहेत. निवडणूकीचा पहिला टप्पा दि. १ आणि दुसरा टप्पा दि. ५ डिसेंबर असणार आहे. तर मतमोजणीही दि. ८ डिसेंबरला होणार आहे. आता भारतीय जनता पक्षाच्या वतीने गुजरात विधानसभा निवडणुकीसाठी ८४ उमेदवारांची नावे जाहीर करण्यात आली आहे. भाजप नेते भूपेंद्र यादव आणि गुजरात भाजपचे प्रदेशाध्यक्ष सी. आर. पाटील यांनी ही जाहीर केली आहे. रविंद्र जाडेजाची पत्नी रीवाबा जाडेजाला उमेदवारी घोषित झाली असून विरोधात काँग्रेस कडून नणंदबाई उभ्या आहेत, त्यामुळे बायकोचा प्रचार करायचा की बहिणीचा? असे राजकीय संकट रविंद्र जडेजा समोर आहे.
निवडणूका अवघ्या काही दिवसांवर येऊन ठेपल्या आहेत. प्रमुख पक्षांकडून प्रचाराला देखील सुरुवात झाली आहे. यंदा अरविंद केजरीवाल यांच्या आम आदमी पार्टीने गुजरात निवडणुकीवर लक्ष केंद्रीय केल्याने या निवडणुकीमध्ये चूरस निर्माण होण्याची शक्यता आहे. या सर्व पार्श्वभूमीवर सत्ताधारी भाजपकडून विशेष खबरदारी घेण्यात येत आहे. तसेच भाजपाने गुजरात निवडणुकीसाठी उमेदवारांची दुसरी यादी जाहीर केली आहे. यात भाजपकडून रिवाबा जडेजा यांना जामनगर उत्तर या मतदारसंघातून उमेदवारी देण्यात आली आहे.
मोरबीचे माजी आमदार कांतीलाल अमृत्या यांनी पूल कोसळल्यानंतर नागरिकांना वाचवण्यासाठी नदीत उडी मारली होती, त्यांनाही भाजपने उमेदवारी जाहीर केली आहे. गुजरातमध्ये भाजपा आणि काँग्रेस हे पारंपरिक प्रतिस्पर्धी आहेत. मात्र यावेळी आम आदमी पार्टी आणि ओवैसी यांचा पक्ष निवडणुका लढवण्याची शक्यता आहे. त्यामुळे निवडणुकांचे समीकरण बदलण्याची शक्यता आहे. मात्र राजकीय निरीक्षकांच्या मते गुजरातमध्ये मुख्य लढाई भाजपा आणि काँग्रेसमध्ये होईल.
रीवाबा जडेजा या सन २०१९ पासून भाजपचे काम करत आहेत. जामनगरच्या विकासासाठी त्यांच्याकडे अनेक प्लॅन्स आहेत, असाही त्यांनी दावा केला असून रीवाबा यांच्यासमोर त्यांची नणंदबाई नैना जाडेजाचे आव्हान आहे, नैना या काँग्रेसच्या महामंत्री आणि जामनगरच्या स्टार प्रचारक आहेत. आता येथे नैना यांच्या वहिनी म्हणजेच रीवाबा जाडेजा भाजपच्या उमेदवार आहेत. तिथेच नैना जाडेजा काँग्रेस उमेदवारासाठी दिवसरात्र प्रचार करत आहेत. जामनगरच्या जागेवरुन नणंद-भावजयीचा संघर्ष सुरु झाला आहे.
जामनगरमध्ये धर्मेंद्रसिंह जाडेजा यांचाच प्रभाव आहे. त्यांनी २०१२ काँग्रेसकडून निवडणूक लढवली आणि जिंकलीही. दरम्यान, २०१७ मध्ये भाजपने त्यांना उमेदवारी दिली आणि ते पुन्हा निवडून आले. यंदा मात्र भाजपने त्यांचे तिकीट कापले असून काँग्रेसने उमेदवारी घोषित केली आहे. त्यामुळे रविंद्र जाडेजाचा परिवार सध्या राजकारणात चर्चेत आला आहे. आता रविंद्र जाडेजापुढे बायकोचा प्रचार करायचा की बहिणीचा? असा प्रश्न पडला आहे.
Cricketer Ravindra Jadeja Tension Politics Gujrat Election
