इंडिया दर्पण ऑनलाईन डेस्क – सोशल मिडियामध्ये विविध प्रकारच्या बाबी व्हायरल होतात. त्यात काही खऱ्या असतात तर काही खोट्या. तसेच, काही काल्पनिक कथा आणि रंगविलेल्या काही घटनाही फॉरवर्ड होतात. आताही अशीच एक पोस्ट व्हायरल झाली आहे. ती आहे क्रिकेटपटू दिनेश कार्तिकची. दिनेश कार्तिकची पत्नी एके दिवशी त्याच्या जवळ आली आणि त्याला म्हणाली तुझ्या मित्राचं मुल माझ्या पोटात वाढतंय. मला आता घटस्फोट हवा आहे. पत्नीच्या त्या एका वाक्याने दिनेश हादरला आणि थेट डिप्रेशनमध्ये गेला. त्यातून तो कसा बाहेर आला, अशी ही कथा आहे. ही पोस्ट सध्या अनेकांना भावते आहे. तुम्हीही बघा काय आहे ही पोस्ट
अशी आहे व्हायरल पोस्ट
आयुष्यात आपल्या सोबत काय घडते हे आपल्या हातात बऱ्याचदा नसते परंतु आलेली आकस्मिक संकटे , अपयश यांना आपण रिस्पॉन्स (रिऍक्ट नव्हे) कसे करतो याची लेटेस्ट स्टोरी म्हणजे दिनेश कार्तिक!
एक वेळी होती जेव्हा दिनेश कार्तिक हा खेळाडू भारतीय संघात चांगली कामगिरी करत होता. धोनी नंतर विकेटकिपर म्हणून त्याचीच ओळख होती. तसेच तो तामिळनाडूचा कॅप्टन पण होता. पण याच काळात त्याच्या वैयक्तिक आयुष्यात मोठे वादळ घोंघावत होते.
तामिळनाडू संघातील त्याचा सहकारी आणि मित्र मुरली विजय याचे दिनेश कार्तिकच्या बायकोबरोबर प्रेमसंबंध होते. या गोष्टीची पुसटशी देखील कल्पना दिनेश कार्तिकला नव्हती. पूर्ण टीमला मात्र हे प्रकरण माहीत होते. एके दिवशी अचानक दिनेश कार्तिकची बायको आली आणि त्याला म्हणाली, ‘माझ्या पोटात मुरली विजयचे मूल असून मला घटस्फोट हवा आहे.’ पायाखालची जमीन सरकणे म्हणजे काय असते, याचा अनुभव त्या दिवशी दिनेश कार्तिकला आला.
दिनेशची बायको घटस्पोट घेऊन मुरली विजय सोबत संसारात रमली तर मुरली विजय पण चेन्नई सुपर किंगस कडून चांगली कामगिरी करत होता. दुसरीकडे दिनेश कार्तिक मात्र पूर्णपणे आयुष्यातुन उठला होता. इतका मोठा झटका पचवणे कुणालाही सहजासहजी शक्य नसते. तो पूर्ण डिप्रेशनमध्ये गेला. त्याचा फटका त्याला लगेच बसला. भारतीय संघातील त्याची जागा चालली गेली. त्याची कामगिरी इतकी खालावली की त्याच्या कडून तामिळनाडू रणजी संघाची कॅप्टनसी काढून घेऊन तीच मुरली विजयला देण्यात आली. अशावेळी त्याच्या मनःस्थितीची कल्पना तुम्ही करू शकता.
आता आत्महत्या करून जीवन संपवून टाकावे असे त्याच्या मनात येऊ लागले होते. एके दिवशी त्याला ट्रेनिंग देणारा ट्रेनर त्याला भेटायला गेला असता त्याने त्याची ही अवस्था बघितली. ट्रेनरने त्याला जबरदस्ती जिमला नेले. तिथे दीपिका पल्लीकल ही राष्ट्रीय स्तरावरील खेळाडू पण येत असे. तिने दिनेश कार्तिकची ही अवस्था बघून त्याला आधार दिला. दोघांनी मिळून हळूहळू ट्रेनिंग घ्यायला सुरुवात केली.
दीपिकाच्या आधाराचा परिणाम आत दिसू लागला. दिनेश कार्तिक प्रथम श्रेणी क्रिकेटमध्ये धुवांधार बॅटिंग करू लागला. त्याला भारतीय संघात पण घेतले गेले आणि तो कोलकाता नाईट रायडर्स या संघाचा कॅप्टन पण झाला. दुसरीकडे मुरली विजयची कामगिरी खालावत चालली होती. तो चेन्नई सुपर किंगसमधून पण बाहेर फेकला गेला.
2018 साली निदाहस ट्रॉफीच्या फायनलमध्ये सिक्स मारत दिनेश कार्तिकने भारताला सामना जिंकून दिला आणि तो मॅन ऑफ द मॅचचा मानकरी ठरला. दिनेश कार्तिकने आपल्या तडाखेबंद कामगिरीने आपण संपलेले नसून फिनिक्सप्रमाणे पुन्हा भरारी घेऊन परत आलो आहोत हे दाखवून दिले. दीपिका पल्लीकल सोबत लग्न करून या दोघांना जुळी मुले झाली. डिलिव्हरीच्या अवघ्या सहा महिन्यांनी झालेल्या चॅम्पियनशिपमध्ये दीपिका पल्लीकलने अनेक पदके कमावत आपल्या नवऱ्याप्रमाणे आपण पण कमी नाही हे सिद्ध केले.
पुढे या जोडप्याने आपले स्वप्नातले भव्य घर विकत घेतले आणि आपला सुखी संसार सुरू ठेवला. दिनेश कार्तिक हे नाव त्याच याच सर्व मातीन मिसळून पुन्हा मुसंडी मारण्याच्या ईच्छाशक्तीमुळे जगभर ओळखले जायला हवे इतके प्रेरणादायी आहे.
Dreams suffering love अशी ही स्टोरी आहे
