इंडिया दर्पण ऑनलाईन डेस्क – भारतीय क्रिकेट संघातील फिरकीपटू अक्षर पटेलने आपला वाढदिवस अगदीच खास बनवला. वाढदिवसाच्या दिवशीच त्याने चाहत्यांना अनोखी भेट दिली. अक्षरने त्याच्या एंगेजमेंटची घोषणा केली. वाढदिवस साजरा करीत असतानाच त्याने गर्लफ्रेंड मेहाला प्रपोज केले. या सोहळ्याचे अनोखे फोटो त्याने सर्वांसाठी शेअर केले आहेत.
अक्षर पटेलचा जन्म 20 जानेवारी 1994 रोजी गुजरात मधील आनंद येथे झाला होता. अक्षरने 5 कसोटी सामन्यात अक्षरने 36 बळी घेतले आहेत. अक्षर हा न्यूझीलंडच्या मुंबई कसोटी सामन्यादरम्यान जखमी झाला होता. त्यामुळे तो तो दक्षिण आफ्रिका दौऱ्यावर जाऊ शकला नाही. तथापि, त्याने राष्ट्रीय क्रिकेट अकादमी म्हणजेच NCA मध्ये बराच वेळ घालवला आणि फिटनेस मिळवला. याशिवाय, आयपीएल 2022 साठी दिल्ली कॅपिटल्सने त्याला रिटेन केले आहे.
अक्षरने त्याचा २८ वा वाढदिवस नेहमी लक्षात राहील अशा प्रकारे साजरा केला आहे. अक्षर पटेलने सोशल मीडियावर स्वतःचे आणि त्याच्या गर्लफ्रेंड मेहाचे अनेक फोटो शेअर केले आहेत. या चित्रांमध्ये असे दिसून येते की, मागे MARRY ME चा साइनबोर्ड आहे आणि हृदयाचा आकार देखील चमकत आहे. अक्षर पटेल आणि मेहा खूप दिवसांपासून याची योजना करत असावेत असे दिसते. त्याचे फोटो शेअर करत अक्षर पटेलने कॅप्शनमध्ये लिहिले की, “आजपासून आपल्या आयुष्याची एक नवीन सुरुवात. कायमचे एकत्र. अनंतकाळसाठी प्रेम.”
