नाशिक – नाशिक मध्ये सुरू झालेल्या महाराष्ट्र क्रिकेट असोसिएशनच्या, राज्यस्तरीय १९ वर्षांखालील वयोगटातील आमंत्रितांच्या क्रिकेट स्पर्धेच्या ( एम सी ए इन्विटेशन लीग ), दोन दिवसीय कसोटी सामन्यात , नाशिकने नंदुरबारवर १ डाव व ३७ धावांनी मोठा विजय मिळविला. तो मुख्यतः नाशिकचा डावखुरा सलामीवीर साहिल पारखच्या तडाखेबंद दिडशतकामुळे व प्रतीक तिवारीच्या सामन्यातील ९ बळींमुळे. या विजयात कर्णधार आयुश ठक्कर च्या ८३ धावा व नीलकंठ तनपुरे च्या एकूण ४ बळींनी ही मोलाचा वाटा उचलला . हुतात्मा अनंत कान्हेरे मैदान, गोल्फ क्लब वर नंदुरबार ने नाणेफेक जिंकुन प्रथम फलंदाजी केली. नीलकंठ तनपुरे ने सलामीवीरांना बाद केल्यानंतर, प्रतीक तिवारी ने ५ गडी बाद केले व नंदुरबार ला ५२.२ षटकांत १७७ धावात रोखले. नीलकंठ तनपुरेने वरच्या फळीतील ३ तर रोहन शेडगे व अथर्व चौधरीने ही प्रत्येकी १ गडी बाद केला. उत्तरादाखल साहिल पारखने २० चौकार व ४ षटकारांसह १३० चेंडूत खणखणीत १५५ धावा ठोकल्या. त्यामुळे पहिल्या दिवस अखेरच नाशिकने ३४ षटकांत ४ बाद २३३ अशी नंदुरबारवर ५६ धावांनी आघाडी घेतली होती. दुसर्या दिवशी २५ षटकांत १३४ भर घातली , ती कर्णधार आयुश ठक्कर च्या ८३ धावांमुळे. नाशिकने १९० धावांची आघाडी घेऊन डाव घोषित केला. नंदुरबारला दुसर्या डावात ४४.४ षटकांत १५३ धावांत सर्वबाद करून , नाशिकने हा विजय मिळविला.
इतर दोन सामन्यांत महात्मा नगर क्रिकेट मैदानावर पी डी सी ए ने रत्नागिरी वर १ डाव व १९ धावांनी मोठा विजय मिळविला तो . मुख्यतः मयुर गिड्डे च्या १३५ धावा, तसेच यश देशमुख व रीषभ शर्माच्या सामन्यातील अनुक्रमे ९ व ७ बळी या गोलंदाजीतील कामगिरीवर . तर एन सी ए मैदानावर उस्मानाबाद च्या अनुराग कवडे च्या १७३ चेंडूतील जोरदार १८० धावा व प्रसाद देशमुख चे ५ व सिद्धांत गिरी चे ३ बळी या गोलंदाजीच्या जोरावर नांदेड वर पहिल्या डावात ११८ धावांची आघाडी घेत पहिल्या डावातील आघाडीचे गुण मिळविले.
संक्षिप्त धावफलक व निकाल :
नंदुरबार विरुद्ध नाशिक :
नंदुरबार पहिला डाव – सर्वबाद १७७ – तन्मय शाह ३७, ओंकार काळे ३६. प्रतीक तिवारी ५, नीलकंठ तनपुरे ३ तर रोहन शेडगे व अथर्व चौधरी प्रत्येकी १ बळी .
नाशिक पहिला डाव – ७ बाद ३६७ साहिल पारख १५५ , आयुश ठक्कर ८३. तन्मय शाह व ओंकार काळे प्रत्येकी २ बळी .
नंदुरबार दुसरा डाव – सर्वबाद १५३ – तनवीर सिंग ४९. प्रतीक तिवारी ४,अथर्व चौधरी ३,गुरमान सिंग रेणु २ व नीलकंठ तनपुरे १ बळी .
नाशिक १ डाव व ३७ धावांनी विजयी.
उस्मानाबाद विरुद्ध नांदेड :
उस्मानाबाद पहिला डाव – सर्वबाद २७२ – अनुराग कवडे १८०. मिर्झा बेग २ बळी.
नांदेड पहिला डाव – सर्वबाद १५४ – शुभम लोहार ६४ . प्रसाद देशमुख ५ व सिद्धांत गिरी ३ बळी.
उस्मानाबाद दुसरा डाव – सर्वबाद १९१ – प्रसाद देशमुख ११६. धनंजय पावडे ३ बळी.
उस्मानाबाद ने पहिल्या डावातील आघाडीचे गुण मिळविले.
रत्नागिरी विरुद्ध पी डी सी ए :
रत्नागिरी पहिला डाव – सर्वबाद १४६ – साहिल मदार ५३ , यश देशमुख ४,नवशिष्ट ३ तर रीषभ शर्मा २ बळी .
पी डी सी ए पहिला डाव – सर्वबाद २९४ – मयुर गिड्डे १३५ .अदनान शेख व अविराज गावडे प्रत्येकी ४ तर साहिल मदार २ बळी .
रत्नागिरी दुसरा डाव – सर्वबाद १२९ – यश देशमुख व रीषभ शर्मा प्रत्येकी ५ बळी.
पी डी सी ए १ डाव व १९ धावांनी विजयी.
