नाशिक – नाशिक जिल्हा क्रिकेट असोसिएशनची वार्षिक सर्वसाधारण सभा रविवार १० एप्रिल रोजी सकाळी अकरा वाजता कुसुमाग्रज स्मारक ,विद्याविकास सर्कल, गंगापूर रोड येथे संपन्न झाली. सभेपुढील सर्व विषय सर्वानुमते मंजूर करण्यात आले, तसेच शनिवारी झालेल्या निवडणुकीचा निकाल निवडणूक निर्णय अधिकारी मनीष लोणारी यांनी दिलेल्या अहवालानुसार जाहीर करण्यात आला व पदाधिकारी,निवड समिती व कार्यकारिणी सदस्य यांची निवड जाहीर करण्यात आली.यावेळी संस्थेच्या सभासदांनी असोसिएशन चे ५० वर्ष पूर्ण होत असल्याने ते साजरे करावे, अशी सूचना केली. चेअरमन विनोद शहा यांनी असोसिएशन निवडणुकीत सभासदांनी केलेल्या सहकार्यामुळेच पुन्हा काम करण्याची संधी मिळाली आहे त्यामुळे सर्वांचे आभार मानले. योगेश हिरे यांनी सर्वांचे स्वागत करून आभार मानले.
