नाशिक (इंडिया दर्पण वृत्तसेवा)- ८० हून अधिक विकसकांचे ५०० हून अधिक विविध पर्याय एकाच छताखाली बघण्याची आणि आपल्या घराचे स्वप्न साकार करण्याची संधी नाशिककरांना मिळणार असल्याची माहिती क्रेडाई नाशिक मेट्रोचे अध्यक्ष गौरव ठक्कर यांनी दिली. बांधकाम व्यावसायिकांची देशातील सर्वात मोठे संस्था असलेल्या क्रेडाई नाशिक मेट्रो तर्फे १४ ते १८ ऑगस्ट दरम्यान सिटी सेंटर मॉल जवळील ठक्कर डोम येथे क्रेडाई प्रॉपर्टी एक्सपो २०२५ चे आयोजन करण्यात आले आहे त्याबद्दल ते माहिती देत होते.
ते पुढे म्हणाले प्रगतिशील नाशिक मध्ये स्वतःचे घर असावे असे प्रत्येकाचे स्वप्न असते. या एक्स्पोच्या निमित्ताने एकाच छताखाली असलेल्या असंख्य पर्यायातून निवड करणे सोपे जाणार आहे असेही त्यांनी नमूद केले. प्रदर्शनाचे समन्वयक म्हणून ऋषिकेश कोते व नरेंद्र कुलकर्णी हे जबाबदारी सांभाळत आहेत. ऋषिकेश कोते म्हणाले येत्या काळामध्ये नाशिकचे महत्त्व विविध घटकांमुळे वाढणार असून यामध्ये
पुढील बाबी महत्त्वपूर्ण ठरणार आहेत –
1) लोकल द्वारे नाशिक- मुंबई जोडले जाणे
2) डिफेन्स हब म्हणून नाशिक मध्ये संधी
3) प्रस्तावित आयटी हब
4) दिंडोरी औद्योगिक क्षेत्रात येणारे रिलायन्स लाईफ सायन्सेस सारखे मोठे उद्योग
5) मल्टी मॉडेल लॉजिस्टिक पार्क मुळे संधी
6) 36000 स्क्वे. मीटर वर पसरलेले इंडियन ऑईलचा अत्याधुनिक उत्पादन प्रकल्प
7) वाईन ,कृषी, ऐतिहासिक, धार्मिक आणि पर्यावरण पूरक पर्यटनाच्या संधी
8) नाशिक मध्ये लवकर सुरू होणारे आंतरराष्ट्रीय क्रिकेट स्टेडियम
9) आगामी कुंभमेळ्यासाठी शासनातर्फे पायाभूत सुविधांमध्ये करण्यात येणार असलेली गुंतवणूक.
नाशिकच्या वाढत्या कनेक्टिव्हिटी बाबत समन्वयक नरेंद्र कुलकर्णी यांनी देखील प्रकाश टाकला ते म्हणाले की पुढील कारणांमुळे नाशिक मध्ये आज केलेली रियल इस्टेट मधील गुंतवणूक भविष्यात फायदेशीर ठरणार आहे
1) प्रस्तावित दिल्ली -मुंबई इंडस्ट्रियल कॉरिडोर
2) प्रस्तावित नाशिक- पुणे हायस्पीड रेल्वे
3) समृद्धी महामार्ग
4) प्रस्तावित चेन्नई -सुरत एक्सप्रेस वे
5) प्रस्तावित नाशिक -वाढवण बंदर रस्ता
लकी ड्रॉ संपन्न
प्रॉपर्टी एक्स्पोच्या प्रदर्शन स्थळासाठी लकी ड्रॉ संपन्न झाला असून विविध स्टॉल विकसकांना निर्धारित करण्यात आले असल्याची माहिती मानद सचिव तुषार संकलेचा यांनी दिली.
रिअल इस्टेट क्षेत्रामुळे शहराच्या तसेच देशाच्या अर्थकारणास नेहमीच सकारात्मक दिशा मिळत असून नाशिक मधील या प्रॉपर्टी एक्सपो मुळे देखील नाशिकमधील अर्थकारण सकारात्मक दिशेने वाटचाल करेल असा विश्वास उपाध्यक्ष उदय घुगे व एक्सपो कमिटीचे मनोज खिवंसरा यांनी व्यक्त केला ..
प्रदर्शन यशस्वी करण्यासाठी क्रेडाई नाशिक मेट्रोचे आयपीपी कृणाल पाटील, उपाध्यक्ष अनिल आहेर, अंजन भालोदिया, कोषाध्यक्ष श्रेणिक सुराणा, सहसचिव सचिन बागड, ऋषिकेश कोते, हंसराज देशमुख, समिती सदस्य श्यामकुमार साबळे , अनंत ठाकरे, विजय चव्हाणके, सागर शाह, निशित अटल, सुशील बागड, निरंजन शाह, वृषाली हिरे, दीपाली बिरारी, सहयोगी सदस्य सतीश मोरे, सुशांत गांगुर्डे, अभिषेक महाजन,समीर सोनवणे, मनोज लाडानी, हर्षल हणमंते,भूषण कोठावदे,शिवम पटेल, हिरेन भडजा, मयुरेश चौधरी,ऋषभ तोडरवाल, क्रेडाई युवा विंग समन्वयक आदित्य भातंबरेकर सह समन्वयक अजिंक्य नाहार हे विशेष सहकार्य करत आहेत.
