नाशिक – १४ ते १७ एप्रिल दरम्यान नाशिकच्या मध्यवर्ती डोंगरे वसतिगृह मैदानावर आयोजित गृह स्वप्नपूर्ती करणा-या क्रेडाई प्रॉपर्टी एक्स्पोची तयारी पूर्णत्वास येत असून त्याचे उद्घाटन १४ एप्रिल रोजी केंद्रीय मंत्री डॉ भारती पवार व पालकमंत्री छगन भुजबळ यांच्या प्रमुख उपस्थितीत संपन्न होईल अशी माहिती क्रेडाई नाशिक मेट्रोचे अध्यक्ष रवि महाजन यांनी दिली.
स्वत:चे घरकुल असणे हा एक सुखद अनुभव असतो. तसेच घर व प्लॉटस यामधील गुंतवणूक देखील अन्य गुंतवणुकीपेक्षा चांगला परतावा देत असल्याने या क्षेत्राकडे गुंतवणुकीचा उत्तम पर्याय म्हणून देखील बघितले जाते. स्वत:चे घर घेण्याचा विचार करणारे तसेच गुंतवणुकीचा पर्याय शोधणा-यांसाठी हा एक्स्पो एक उत्तम संधी आहे. गेल्या काही वर्षात क्रेडाई तर्फे नाशिक च्या ब्रान्डींग साठी भरीव कार्य केले असल्याने नाशिक बाहेरील शहरातून नाशिक ला घरे घेण्याचे प्रमाण वाढले आहे. या शहरामध्ये प्रामुख्याने मुंबई , पुणे , ठाणे , जळगाव , धुळे , अहमदनगर , सुरत यांचा समावेश असून याचे शहराच्या अर्थकारणात सकारात्मक योगदान असल्याचे देखील त्यांनी नमूद केले.
गत काही वर्षात नाशिकमध्ये अनेक नव्या संधी येत आहेत. विमान, रस्ते तसेच रेल्वे द्वारे नाशिकची कनेक्टीव्हिटी आगामी काही वर्षात अजून वाढणार आहे. सोबतच शहरातील अंतर्गत वाहतुकीसाठी प्रस्तावित निओ मेट्रो ,आय टी पार्क , लॉजिस्टीक पार्क, असे प्रकल्प येऊ घातले आहेत त्यामुळे नाशिकच्या विकासाचा वेग अजून जलद होणार असल्याने भविष्याचा विचार करून रिअल इस्टेट क्षेत्रात नाशिकमध्ये गुंतवणूक करण्यासाठी हीच ती वेळ असल्याचे प्रतिपादन प्रॉपर्टी एक्स्पोचे समन्वयक अनिल आहेर यांनी केले. क्रेडाई ही बांधकाम व्यावसायिकांची देशातील सर्वात मोठी व विश्वासार्ह संस्था असून क्रेडाई सदस्य एका आदर्श कोड ऑफ कंडक्टचे पालन करतात. यामुळे ग्राहकांना व्यवहाराबाबत पूर्ण खात्री असते. या प्रदर्शनामध्ये क्रेडाईचे सदस्य असलेलेच बांधकाम व्यावसायिक सहभागी होत असल्याचेही अनिल आहेर यांनी सांगितले.
डोंगरे वसतिगृह मैदानावर पूर्णपणे वातानुकुलीत अशा ३ डोम मध्ये ७० हून अधिक बांधकाम व्यावसायिकांच्या ५०० हून अधिक प्रकल्पाची सखोल माहिती एकाच छताखाली येथे मिळणार असून याशिवाय गृह कर्जासाठी देखील आघाडीच्या गृहकर्ज देणा-या बॅंकांचेही वेगळे दालन येथे आहे. प्रदर्शनाची वेळ सकाळी १० ते रात्री ८ अशी असून अधिकाधिक नागरिकांनी आपले गृह्स्वप्न येथे पूर्ण करावे असे आवाहन प्रदर्शनाचे सहसमन्वयक मनोज खिंवसरा यांनी केले आहे.
राष्ट्रीय क्रेडाईचे सल्लागार ( घटना समिती ) जितुभाई ठक्कर, राष्ट्रीय क्रेडाईचे कोषाध्यक्ष अनंत राजेगावकर, क्रेडाई महाराष्ट्र चे सचिव सुनील कोतवाल , माजी अध्यक्ष सुरेश पाटील , किरण चव्हाण , नेमीचंद पोतदार , उमेश वानखेडे यांच्या मार्गदर्शनाखाली उपाध्यक्ष कृणाल पाटील, मानद सचिव गौरव ठक्कर व संपूर्ण मॅनेजिंग कमिटी हे विशेष परिश्रम घेत आहेत.
