भारतातील बहुतांश भागात कोरोनाचा संसर्ग हळुहळु कमी होत आहेत, परंतु अद्यापही काही राज्ये अशी आहेत, जिथे पुन्हा एकदा रूग्ण वाढताना दिसत आहेत. इतकेच नव्हे यासोबतच पावसाळ्यातील साथीचे आजार विषाणूजन्य ताप, मलेरिया आणि डेंग्यूसारख्या संसर्गाचा धोकाही वाढला आहे.
मलेरिया आणि डेंग्यूसारखे आजार पावसाळ्यात जास्त पसरतात. डासांच्या चाव्यामुळे होणारे हे आजार घराभोवती साचलेल्या घाण पाण्यामुळे वाढतात. वास्तविक कोविड -१९ आणि डेंग्यू-मलेरिया हे पूर्णपणे भिन्न रोग आहेत, परंतु त्यांच्यामध्ये अनेक समान लक्षणे आहेत. त्यामुळे सुरुवातीची लक्षणे पाहून रोगाचे निदान करणे कठीण होऊ शकते. म्हणून, या तीन रोगांमधील फरक समजून घेणे महत्वाचे असून योग्य उपचार योग्य वेळी करता येऊ शकते.
१ ) डेंग्यू, मलेरिया आणि कोविड -१९ हे तीन वेगवेगळे रोग असले तरी हे तिन्ही विषाणूंमुळे होतात. या तीन रोगांमध्ये फरक करणे थोडे कठीण होऊ शकते.
२ ) डेंग्यूमुळे उच्च ताप, तीव्र डोकेदुखी, सांधे आणि स्नायू दुखणे, तसेच मळमळ, ओटीपोटात दुखणे आणि अतिसार यासारखे जठरोगविषयक लक्षणे होऊ शकतात.
३ ) प्लाझमोडियम परजीवीमुळे होणाऱ्या मलेरियामुळे थंडी वाजणे, थरथरणे, तीव्र , डोकेदुखी, थकवा, घाम येणे आणि कधीकधी खूप ताप येणे सारखी गंभीर लक्षणे उद्भवतात.
४ ) कोविड -१९ मुळे अनेक लक्षणे उद्भवू शकतात. सौम्य, मध्यम किंवा गंभीर संसर्ग असो, काही सामान्य वैशिष्ट्यांमध्ये ताप, थंडी वाजून येणे, खोकला, सर्दी, घसा खवखवणे, श्वास घेण्यात अडचण, डोकेदुखी, तीव्र थकवा आणि अशक्तपणा यांचा समावेश असू शकतो. तसेच, ही सर्व लक्षणे डेंग्यू आणि मलेरियामध्ये देखील असू शकतात.
५ ) कोविड -१९ मुळे अनेक लक्षणे लक्षणांवर अधिक लक्ष दिले पाहिजे. त्यात सुगंध किंवा चव कमी होणे केवळ कोविड संसर्गामध्ये दिसून येते.
६ ) घसा, श्वसन मार्ग यात त्रास आणि जळजळ होण्याची लक्षणे, तसेच खोकला, आवाज बदलणे, घशात जळजळ होणे अशी लक्षणे डेंग्यू आणि मलेरियामध्ये दिसत नाही, परंतु ही कोविड -१९ संसर्गाची महत्त्वपूर्ण लक्षणे आहेत.
७ ) श्वास लागणे, छातीत दुखणे किंवा श्वसनाच्या समस्या डेंग्यू आणि मलेरियामध्ये दिसत नाहीत. या उलट डेंग्यू आणि मलेरिया सहसा डोकेदुखी किंवा अशक्तपणापासून सुरू होते. त्याच वेळी, कोविड -१९ असे प्रकार होत नाहीत.
८ ) याशिवाय विविध गोष्टींची काळजी घ्यावी, कोविड -१९ ची लक्षणे संसर्ग झाल्यानंतर २ ते ३ दिवसात दिसू शकतात. त्याचवेळी, मलेरिया आणि डेंग्यूची लक्षणे दिसण्यासाठी २२ ते २५ दिवस लागू शकतात.
९ ) कोविड -19 संसर्ग घातक ठरू शकतो. रुग्णाचे वय आणि प्रतिकारशक्ती त्याची तीव्रता वाढवू शकते. त्याच वेळी, डेंग्यू आणि मलेरियामध्ये असे नाही.
१० ) डेंग्यू आणि मलेरिया व्यक्तीपासून व्यक्तीपर्यंत पसरत नाहीत. त्याच वेळी, कोविड -१९ प्रत्येकास वेगाने संक्रमित करू शकते. कोविड -१९ कुठेही आणि कोणालाही होऊ शकतो आणि वेगाने पसरते.
