नवी दिल्ली – देशभरातील अनेक राज्यात कोरोनाचा फैलाव मोठ्या प्रमाणावर होत असून याला अनेक कारणे आहेत. यातील मुख्य कारण म्हणजे राजकीय सभा, धार्मिक मेळावे आणि शेतकरी आंदोलन, धरणे आणि उपोषण आदि प्रकार कोरोना विषाणूचे अत्यधिक प्रसार करणारे असल्याचे सिद्ध होत आहेत, असे लसीकरण संदर्भातील राष्ट्रीय तांत्रिक सल्लागार समूहाचे अध्यक्ष डॉ. एनके अरोरा यांचे म्हणणे आहे.
डॉ. अरोरा यांचे विधान अशा वेळी आले आहे, जेव्हा बंगालमधील निवडणुका, हरिद्वारमधील कुंभमेळा आणि दिल्लीच्या सीमेवर शेतकरी आंदोलन सुरू आहे. मात्र त्याxनी कोणत्याही विशिष्ट कार्यक्रमाचे नाव घेतले नाही.
याबाबत काळजी व्यक्त करताना म्हणाले की, सध्या तरुण वर्ग अधिक निष्काळजी झाले आहेत. ते छोट्या छोट्या गटात जमून पार्टी करत आहेत. सध्या आम्ही सामाजिक, धार्मिक मेळावा, शेतकरी चळवळी आणि राजकीय मेळावे देखील पहात आहोत. हे सर्व लोक कोविडचे सुपर स्प्रेडर आहेत. हे बंद होईपर्यंत कोणीही तुम्हाला मदत करू शकेल असे वाटत नाही. या बाबतीत आपण खूप गंभीर असले पाहिजे आणि हे सर्व राजकीय आणि अंमलबजावणी अधिका च्या पाठिंब्याने केले पाहिजे. ‘
दरम्यान, डॉ. अरोरा यांनी स्थानिक परिस्थितीनुसार लॉकडाउन लादण्याची गरज यावर भर दिला. तथापि, देशव्यापी लॉकडाउनचे समर्थन केले नाही. ते म्हणाले की, आम्ही गेल्या वर्षी लॉकडाउन लादले होते. साथीचे रोग कसे थांबवायचे हे आपल्याला माहित आहे. लॉकडाऊनच्या प्रभावावर कसा मात करावी हे देखील आपण पाहिले आहे.
डॉ. अरोरा पुढे म्हणाले की, आता दररोज नवीन प्रकरणांची संख्या जवळपास दोन लाखांवर पोहोचली आहे, तर आपण आपल्या अनुभवांच्या जोरावर पुढे जायला हवे. लोकांमधील संपर्क कमी करून कोरोना विषाणूचा प्रसार कमी केला जाऊ शकतो. आम्हाला निवडक क्षेत्रात लॉकडाउन लावणे आवश्यक आहे. त्यांनी १५ दिवस कडक निर्बंध लादलेल्या महाराष्ट्राचे उदाहरणही दिले.
