लस १०० टक्के प्रभावी नसली तरी आवर्जून घ्या; हे आहे कारण

नवी दिल्ली – अनेकांना लस घेतल्यानंतर कोरोनाची बाधा झाली आहे. परंतु यामुळे लसीकरण अयशस्वी ठरले, असे मानता येणार नाही. तज्ज्ञांच्या मते त्यांचे लसीकरण झाले नसते तर त्यांची प्रकृती अधिक गंभीर झाली असती किंवा त्यांना रुग्णालयात दाखल करावे लागले असते. लसीकरणानंतर झालेला संसर्ग तीव्र स्वरूपाचा नसतो. रुग्ण लगेचच बरा होऊ शकतो.

केस स्टडी १

केजीएमयू लखनऊचे कुलगुरू प्रा. बिपिन पुरी यांना कोविड लशीचा दुसरा डोस घेतल्यानंतर ११ दिवसांत कोरोनाची बाधा झाली. परंतु त्यांना फारच कमी लक्षणे होती. लस घेतल्यामुळे गंभीररित्या आजारी पडलो नाही, असे प्रा. पुरी यांचे म्हणणे होते.

केस स्टडी २

एसजीपीजीआय लखनऊचे संचालक डॉ. आर. के. धिमान आणि त्यांची पत्नी यांनी लशीचे दोन्ही डोस घेतले आहेत. तरीही त्यांना मार्चच्या शेवटच्या आठवड्यात कोरोनाची लागण झाली. त्यांना झालेला संसर्ग खूपच कमी होता. लस घेतल्यामुळे रुग्णालयात दाखल करण्याची वेळ आली नाही.

१०० टक्के बचाव करत नाही
कोणतीही लस आजारातून १०० टक्के वाचवू शकत नाही. परंतु आजार होण्याची शक्यता ८० ते ९० टक्के कमी करते. इतर लोकसुद्धा गंभीररित्या संक्रमित झालेले नाहीत. खूपच अपवाद सोडल्यास कोणालाही रुग्णालयात जाण्याची गरज पडली नाही किंवा कोणतीही जटिलता आलेली नाही. लसीकरणामुळे शरिराला काही नुकसान झाल्याचे नुकसान मोजणार्या एडवर्ड इव्हेंट फॉलोइंग इम्युनायजेशन (एईएफआय) समितीनुसार, भारतात आतार्यंत १८० लोकांचा लसीकरणानंतर मृत्यू झाला आहे. ६१७ लोकांना गंभीर संसर्ग झाला आहे. ६ टक्के लोकसंख्येला लसीकरण केल्यानंतर आढळलेले हे रुग्ण खूपच कमी आहेत.

...तरच लस होईल बेकार
कोरोना विषाणू आपले रूप बदलत आहे. परंतु विषाणूमधील बदल इतकाही मोठा नाही ज्यामुळे लसीकरणच फलद्रुप होईल. हा विषाणू स्पाईक प्रोटिनद्वारे फैलावत आहे. सध्याची लस यावरच प्रहार करण्यासाठी बनविण्यात आली आहे. जोपर्यंत विषाणू आपल्या मूळ संरचनेत बदल करत नाही तोपर्यंत लसीकरणामुळे तयार झालेल्या अँटीबॉडी त्याच्याशी लढा देण्यास पूर्णपणे सक्षम राहतील.