पुणे – कोरोना संसर्गावर मात करण्यासाठी कोरोना प्रतिबंधक लसीकरण सध्या वेगाने सुरू आहे. लस घेतल्यानंतर प्रत्येकाला लशीकरण प्रमाणपत्र प्राप्त होते. प्रत्येकाच्या मोबाईलवर आलेल्या या प्रमाणपत्रामध्ये काही वेळा त्रुटी किंवा चुकीचा मजकूर असू शकतो. सदर चूक दुरुस्त करण्याची संधी आता प्राप्त झाली आहे.
कोविड लशीकरण प्रमाणपत्रात काही त्रुटी असल्यास ती दुरुस्त करू शकता. कोविन पोर्टलवर यासाठी एक पर्याय देण्यात आला आहे. परंतु लाभार्थी फक्त एकदाच बदल करू शकतो. या संदर्भात मुख्य वैद्यकीय अधिकारी डॉ.मनोज उप्रेती यांनी माहिती दिली की, लाभार्थी स्वतः कोविड लशीकरण प्रमाणपत्रातील त्रुटी सुधारू शकतात.
अ) या चुका किंवा त्रुटी असू शकतात
– लसीकरणात नाव, वय, लिंग, फोटो आयडी मधील त्रुटी.
– दुस -या डोसनंतरही लशीकरण प्रमाणपत्र लवकर मिळाले.
– परदेश प्रवासासाठी प्रमाणपत्रावर पासपोर्टचा तपशील नमूद केलेला नाही.
– कोविन पोर्टलवर लॉग इन करण्यासाठी दुसऱ्याच्या मोबाईल क्रमांकाचा वापर करणे.
– कोविन पोर्टलवर लाभार्थ्यांचा चुकीचा मोबाईल नंबर.
ब) अशी दुरुस्त करा
– cowin.gov.in या वेबसाईटवर जा
– केविनच्या मेनपेजवर (मुख्यपृष्ठावर) उजव्या कोपऱ्यात नोंदणी आणि साइन इन पर्यायावर क्लिक करा.
– लॉगिन पेजवर, मोबाईल नंबर प्रविष्ट करा, जेव्हा लशीकरण केले गेले होते आणि ओटीपी क्रमांक सहाची पडताळणी करा.
– तुम्हाला तुमचे प्रोफाइल आणि लसीकरणाची स्थिती दिसेल. लसीकरण प्रमाणपत्रामध्ये कोणत्याही त्रुटीसाठी, वर उजवीकडे राईज इश्यू पर्यायावर क्लिक करून प्रक्रिया पूर्ण करा.
– कोविड लशीकरण प्रमाणपत्रातील त्रुटी आणि संबंधित कोणत्याही समस्यांसाठी मुख्य वैद्यकीय अधिकारी कार्यालयातील जिल्हा लशीकरण अधिकारी यांच्याशी संपर्क साधावा.
