नाशिक – प्रसिद्ध कवियत्री प्रा. ज्योती शिरीष संकपाळ (वय ६२ वर्ष) आणि त्यांची ज्येष्ठ मुलगी शिक्षिका . काश्मिरा सागर घोडके (वय ४१) यांचे कोरोनामुळे निधन झाले. अवघ्या एकच दिवसात माय-लेकीचा कोरोनाने मृत्यू झाल्याने सर्वत्र हळहळ व्यक्त होत आहे.
कवियत्री प्रा ज्योती संकपाळ या माजी सैनिक व मंत्रालयातील अधिकारी स्व. शिरीष संकपाळ यांच्या पत्नी होत्या. त्यांनी ३० वर्ष जिल्हा परिषदेच्या शाळेमध्ये आदर्श शिक्षिका म्हणून मोलाचे कार्य केले. त्यांच्या शैक्षणिक कारकिर्दीत त्यांना शासनाने आदर्श शिक्षिका या पुरस्काराने सन्मानित केले होते. त्यांच्या विविध सामाजिक कारकिर्दीला व कवितांना अनेक सामजिक पुरस्कार मिळाले होते.
