लखनऊ (उत्तर प्रदेश) – गुन्हेगाराला शिक्षा सुनावताना न्यायमूर्तींना अनेकवेळा ऐकले असेल. मात्र तक्रार करणाऱ्यांनाच जर शिक्षा झाली तर. हो सध्या तसाच एक प्रकार घडला आहे. आपल्या मुलीचा विनयभंग झाल्याची खोटी फिर्याद देणाऱ्या मुलीच्या वडिलांना आणि साक्ष देणाऱ्या आईला न्यायालयाने दोषी ठरवले आहे. तसेच, दोघांनाही सात दिवसांची कोठडी दंडही ठोठावण्यात आला आहे.
एटा जिल्ह्यात मुलीचा विनयभंग केल्याप्रकरणी आरोपींशी संगनमत करून न्यायालयात खोटी साक्ष दिल्याचा हा प्रकार आहे. जिल्हा न्यायालयाने फिर्यादीला दोषी ठरवून ७ दिवसांची शिक्षा सुनावली. यासोबतच फिर्यादीला दंडही ठोठावण्यात आला आहे. विशेष सरकारी वकील संतोष कुमार सिंह, प्रदीप भारद्वाज यांच्या म्हणण्यानुसार, मिरहाची गावातील पित्याने तक्रार दाखल केली होती की, तिची पीडित मुलगी फी जमा करण्यासाठी शाळेत जात होती. त्याचवेळी वाटेत आरोपी शेरसिंह (रा. नागला ख्याली) याने त्याच्या मित्रासमवेत मुलीचा विनयभंग केला. तसेच, तिला बळजबरीने दुचाकीवर बसवले. तेथून जाणाऱ्या लोकांनी विरोध केल्याने आरोपी तेथून पळून गेला. यानंतर मुलीने आईला सर्व प्रकार सांगितला, असे तक्रारीत नमूद आहे.
मात्र प्रत्यक्षात या घटनेनंतर तब्बल १ महिन्यांनी आईने तक्रार दाखल केली. त्याची दखल घेत आरोपींची कारागृहात रवानगी करून न्यायालयात दोषारोपपत्र दाखल करण्यात आले. या प्रकरणी न्यायालयात सुनावणी झाली. विशेष सरकारी वकील संतोष कुमार सिंग, प्रदीप भारद्वाज यांनी संयुक्तपणे न्यायालयात सांगितले की, साक्षीदार म्हणून खोटी साक्ष देण्यात आली आणि चुकीचा गुन्हाही दाखल करण्यात आला आहे.
या प्रकरणानंतर कथित पीडित मुलगी तथा तिच्या फिर्यादीने सांगितले की, हे जबाब पोलिसांच्या सांगण्यावरून दबावामुळे देण्यात आले होते. त्याचवेळी सुनावणी दरम्यान हा सर्व प्रकार ऐकल्यानंतर अतिरिक्त जिल्हा विशेष न्यायालयाने पॉक्सो कायद्याने फिर्यादीला दोषी ठरवले. यासोबतच न्यायाधीशांनी त्या महिलेला व पित्याला सात दिवसांची शिक्षा आणि ५०० रुपये दंडाची शिक्षा सुनावली. याशिवाय दंड न भरल्यास आणखी दोन दिवस कारागृहात राहावे लागणार आहे.
सदर शिक्षा झाल्यानंतर समाजात योग्य संदेश जाईल. कारण काहीवेळा द्वेष आणि शत्रुत्वाच्या भावनेने खोटे फिर्याद अहवाल दाखल केले जातात, असे या प्रकरणातील कायदेतज्ज्ञांचे म्हणणे आहे. अशा परिस्थितीत पोलीस तपासात अनेक प्रकरणेही समोर आली आहेत. त्याचबरोबर खोट्या विनयभंगाच्या प्रकरणात शिक्षा झाल्यानंतर समाजातही योग्य संदेश जाईल आणि खोट्या विनयभंगाचा गुन्हा दाखल करण्यापूर्वी अनेक वेळा नागरिक विचार करतील, असे न्यायालयाने म्हटले आहे.
