चिंताजनक! डेल्टाने वाढवली धडधड; इराणमध्ये पाचव्या लाटेचा धोका

लंडन/मास्को – कोरोनाचा नवा अवतार डेल्टा प्लसने दिवसेंदिवस नवे प्रश्न निर्माण होत आहेत. भारतात दुसरी लाट ओसरुन तिसरी लाट येण्याचा धोका वर्तविला जात आहे. आता ब्रिटन व रशिया मध्ये डेल्टा व्हेरिएंटचा संसर्ग झपाट्याने पसरत आहे. त्यातच इराणमध्ये पाचवी लाट येण्याचा धोका तज्ज्ञांनी वर्तविला आहे.

कोरोना साथीच्या दोन लाटेंचा सामना करणार्‍या ब्रिटन आणि रशियामध्ये आता आणखी डेल्टा व्हेरीएंट या धोकादायक विषाणूचा कहर पुन्हा वाढू लागला आहे.  परिणामी, दोन्ही देशांमध्ये दररोजच्या संसर्गाच्या आणि मृत्यूच्या घटनांमध्ये वाढ होत आहे. त्याच वेळी इराणमधील पाचव्या लाटेचा धोका निर्माण झाला आहे.

कोरोनाचा डेल्टा प्रकार कोरोना मध्ये मृत्यूला आणि संसर्गाला कारणीभूत ठरत आहे.  ब्रिटनमध्ये गेल्या २४ तासांत २७ हजार १२५ नवीन प्रकरणे आढळली.  एक दिवस आधी २७ हजार ८५० प्रकरणे आढळली.  सुमारे पाच महिन्यांनंतर, एका दिवसात इतक्या मोठ्या प्रमाणात संक्रमित लोक आढळले. ब्रिटनमध्ये गेल्या एका आठवड्यात डेल्टा व्हेरिएंटच्या ५० हजार ८२४ घटनांमध्ये वाढ झाली आहे.  या व्हेरिएंटची एकूण प्रकरणे एक लाख ६१ हजार ९८१ वर गेली आहेत.

      त्याचबरोबर, रशियामध्ये गेल्या २४ तासांत २४ हजार ४३९ नवीन संसर्गित लोक आढळले आहेत.  रशियाच्या फेडरल रिस्पॉन्स सेंटरने सांगितले की, मॉस्कोमध्ये या देशांपैकी ७,४४७ प्रकरण सापडले आहेत.  या कालावधीत, देशभरात ६९७ रुग्णांचा मृत्यू झाला. तसेच पाकिस्तानमध्ये पुन्हा कोरोना संसर्ग वाढू लागला आहे.  दैनंदिन प्रकरणांमध्ये वाढ नोंदविली जात आहे.  गेल्या २४ तासांत १,४०० नवीन प्रकरणे आढळली आणि ३४ मरण पावले.

 इराणचे अध्यक्ष हसन रूहानी यांनी असा इशारा दिला की, त्याच्या देशात साथीच्या पाचव्या लाटाचा धोका वाढला आहे.  कारण डेल्टा प्रकार देशभर पसरत आहे. तर जागतिक आरोग्य संघटनेचे (डब्ल्यूएचओ) महासंचालक टेड्रॉस यांनी असा इशारा दिला आहे की, जगातील कोरोना साथीचा रोग सध्या अत्यंत धोकादायक अवस्थेत आहे.  कोरोना डेल्टासारखे धोकादायक विषाणू निरंतर रुप बदलत असतात तसेच आणखी संसर्गजन्यही बनतात. काही देशांमध्ये कमी लस आहे, तेथे रुग्णालयांमध्ये रूग्णांची संख्या पुन्हा वाढू लागली आहे.

       टेड्रोस पुढे म्हणाले की, डेल्टा प्रकार ९८ देशांमध्ये आढळून आला आहे आणि कमीतकमी लसीकरण झालेल्या देशांमध्ये तो झपाट्याने पसरत आहे. तसेच  हा प्रकार भारतात प्रथम ओळखला गेला. प्रतिबंधात्मक उपायांचा पुनरुच्चार करीत त्यांनी असे सांगितले की मास्क घालणे, शारीरिक अंतराचे नियम पाळणे, गर्दीची ठिकाणे टाळणे आणि घरांचे वायुवीजन महत्वाचे आहेत. तसेच पुढील वर्षी प्रत्येक देशातील ७० टक्के लोकसंख्येचे लसीकरण व्हावे, यासाठी टेडरस यांनी जागतिक नेत्यांना एकत्र येण्याचे आवाहन केले.