बघा, कोरोनाच्या दुसऱ्या लाटेत ज्या ५ औषधांचा मारा झाला ती होती चक्क निष्प्रभ; अभ्यासाचा निष्कर्ष

इंडिया दर्पण ऑनलाईन डेस्क – देशात कोरोनाच्या दुसऱ्या लाटेत सगळीकडे हाहाकार माजला होता. लोकं रेमडेसिविरसारखी औषधे घेण्यासाठी लाखो रुपये खर्च करत होते. मात्र रेमडेसिव्हिरसह चार इतर औषधांच्या परिणामांवर नुकताच एक अभ्यास प्रसिद्ध झाला आहे. त्यातील निष्कर्षांवरून असे दिसून आले आहे की त्यांचा कोरोना रुग्णांना रेमडेसिव्हरसारख्या औषधांचा कोणताही फायदा झाला नाही.

ICMR च्या पुणे स्थित राष्ट्रीय एड्स संशोधन संस्थेने (NARI) रेमडेसिव्हिर, हायड्रोक्लोरोक्वीन (SCQ), लोपीनावीर, रिटोनावीर आणि इंटरफेरॉन या पाच प्रमुख औषधांचा देशभरातील २० -३० केंद्रांवर कोरोना रुग्णांवर होणाऱ्या परिणामांचा अभ्यास केला. त्या काळात ही औषधे कोरोना रुग्णांसाठी डॉक्टरांकडून मागवली जात होती. ही अँटीव्हायरल औषधे आधीपासून अस्तित्वात होती आणि जगभरातील तज्ञांनी कोविड उपचारांसाठी त्यांचा पुनर्प्रयोग केला होता, परंतु त्यामागे कोणताही ठोस वैज्ञानिक आधार नव्हता. राष्ट्रीय एड्स संशोधन संस्थेच्या मुख्य शास्त्रज्ञ डॉ. शीला गोडबोले यांनी ‘हिंदुस्थान’शी संवाद साधताना सांगितले की, सुमारे एक हजार कोरोना रुग्णांवर केलेल्या अभ्यासात आम्ही या निष्कर्षाप्रत पोहोचलो की, यापैकी कोणतीही औषधे रुग्णांचे प्राण वाचवण्यास सक्षम नाहीत.

डॉ. शीला गोडबोले यांनी दै. ‘हिंदुस्थान’शी संवाद साधताना सांगितले की, सुमारे एक हजार कोरोना रुग्णांवर केलेल्या अभ्यासात आम्ही या निष्कर्षाप्रत पोहोचलो की, ही औषधे रुग्णांचे प्राण वाचवण्यास सक्षम नाहीत आणि रोगाला गंभीर होण्यापासूनही ते थांबवत नाहीत. ही औषधे घेऊनही अनेक रुग्णांना व्हेंटिलेटरवर जाण्याची वेळ येत होती.
कोरोनाच्या पहिल्या आणि दुसऱ्या लाटेत रेमडेसिविरसह वरील चार औषधांची प्रचंड विक्री झाली होती, त्यामुळे बाजारात मोठी मागणी होती. रेमडेसिव्हिरसह काही औषधांचा मोठ्या प्रमाणात काळाबाजारही झाला. गोडबोले म्हणाल्या की, ही औषधे कोविड रुग्णांना व्हेंटिलेटरवर जाण्यापासून रोखत नाहीत आणि मृत्यूपासूनही वाचवत नाहीत, परंतु तरीही ती पूर्णपणे निरुपयोगी आहेत असे म्हणणे योग्य ठरणार नाही. रेमडेसिव्हिर सारखी औषधे रोगाच्या सुरुवातीच्या टप्प्यात दिल्यास काही फायदा होऊ शकतो. अभ्यासातही हे दिसून आले आणि त्याचे परिणाम सरकारला कळवण्यात आले आहेत.
सुरुवातीला, रेमडेसिवीर हे गंभीर रुग्णांना शेवटच्या टप्प्यात दिले जात होते. त्याचप्रमाणे, सुरुवातीच्या टप्प्यात उर्वरित औषधांसाठी कोणताही स्पष्ट प्रोटोकॉल नव्हता. पण नंतर राष्ट्रीय एड्स संशोधन संस्थेनेचा अहवाल आल्यानंतर सरकारने ही औषधे कोरोना उपचाराच्या प्रोटोकॉलमधून काढून टाकली आणि केवळ सहायक औषधे म्हणून ओळखले जाते. त्यामुळे तिसऱ्या लाटेत त्यांना बाजारात मागणी नव्हती.