नवी दिल्ली (इंडिया दर्पण वृत्तसेवा) – काँग्रेस नेते राहुल गांधी अचानक आज शेतात पोहचले. हरियाणातील सोनीपतमधील मदिना गावातील शेतकऱ्यांशी त्यांनी संवाद साधला. तसेच, त्यांनी शेतात भाताची लागवड केली. त्यानंतर ट्रॅक्टर चालवून शेतात भाताची पेरणी केली. राहुल गांधी हे दिल्लीहून शिमल्याला जात असतांना त्यांनी शेतात जाण्याचं ठरवलं आणि थेट सोनीपतच्या ग्रामीण भागात गेले. यावेळी त्यांनी शेतकरी आणि शेतमजुरांशी शेतीबाबत चर्चाही केली. शिवाय राहुल यांनी शेतकऱ्यांसोबत बसून नाश्ताही केला.
गेल्या काही दिवसात ते वेगवेगळ्या व्यवसायातील नागरिकांशी भेट घेऊन त्यांचे प्रश्न समजून घेत आहेत. त्यांचीशी ते सविस्तर चर्चाही करतात याअगोदर त्यांच्या अशा भेटी चर्चेत राहिल्या आहेत. आज ते सकाळी ६.४० च्या सुमारास भैंसवन-मदिना रस्त्यावरील संजय यांच्या शेतात दाखल झाले. मदिना गावात सुमारे दोन तास शेतात राबल्यानंतर राहुल गांधी सकाळी ८.४० वाजता परतीच्या वाटेला निघाले.
काँग्रेस नेते राहुल गांधी शनिवारी सकाळी हरियाणात ट्रॅक्टर चालवताना दिसले. शेतकर्यांसह त्यांनी भाताचीही लागवड केली. गेल्या काही दिवसांत राहुल यांचे असे अनेक फोटो समोर आले आहेत. कधी ते दिल्लीतील मोटार मेकॅनिक्ससोबत तर कधी ट्रक ड्रायव्हरशी बोलताना दिसतात. कधी ते UPSC ची तयारी करणाऱ्या विद्यार्थ्यांमध्ये पोहोचतात तर कधी कॉलेजच्या कॅन्टीनमध्ये जेवण करताना दिसतात.
राहुल गांधी यांनी शेतात पोहोचून शेतकरी व मजुरांशी संवाद साधला. पिकाची माहिती घेतली. त्यांनी ट्रॅक्टर चालवून भाताची लागवडही केली. बडोद्यातील काँग्रेसचे आमदार इंदुराज नरवाल आणि गोहानाचे आमदार जगबीर सिंग मलिक हेही त्यांच्या आगमनानंतर मदिना येथे पोहोचले. राहुल सकाळीच दिल्लीहून शिमल्याला रवाना झाला होते. कुंडली सीमेवर पोहोचल्यानंतर त्यांनी अचानक कार्यक्रम बदलला आणि सोनीपतला रवाना झाले. राहुल सकाळी सातच्या सुमारास बडोद्यातील मदिना गावात पोहोचले.
वाटेत अनेक ठिकाणी तो शेतात थांबले. मदिना येथे त्यांना शेतात भात लावणीची माहिती मिळाली. आणि त्यांनी मजुरांसह स्वतः भात रोवणी सुरू केली. यावेळी त्यांनी घटनास्थळी पोहोचलेल्या ग्रामस्थांशीही संवाद साधला. शेतात भात लावण्यापूर्वी जमीन तयार करण्यासाठी त्यांनी ट्रॅक्टरही चालवला.
https://twitter.com/kharge/status/1677581981616357376?s=20
