इंडिया दर्पण ऑनलाईन डेस्क
काँग्रेसने आगामी हरियाणा विधानसभा निवडणुकासाठी ३१ उमेदवारांची पहिली यादी जाहीर केली असून त्यात माजी कुस्तीपटू विनेश फोगाटची उमेदवारी जाहीर केली आहे. विनेशला जुलाना विधानसभा मतदारसंघातून उमेदवारी दिली गेली आहे. विनेश फोगाट आणि बजरंग पुनिया या दोघांनी शुक्रवारी दुपारी काँग्रेस पक्षात प्रवेश केला. त्यानंतर काहीच तासात विनेशला निवडणुकीचं तिकीट मिळाले आहे. पण, बजरंग पुनियाची उमेदवारी मात्र जाहीर केली नाही. दुसऱ्या यादीत बजरंगचं नाव असेल असे बोलले जात आहे.
विनेश फोगाटला ज्या मतदार संघातून उमेदवारी दिली आहे. त्या जुलाना विधानसभा मतदारसंघातून जननायक जनता पार्टीचे अमरजीत ढांडा हे विद्यमान आमदार आहेत. जेजेपीने यंदाही ढांडा यांनाच उमेदवारी दिली आहे. तर भाजपने या मतदारसंघातून उमेदवार जाहीर केलेला नाही.
काँग्रेसकडून पहिल्या यादीत या ३० जणांना मिळाली संधी, बघा यादी
