इंडिया दर्पण ऑनलाईन डेस्क
भाजप आणि महायुतीने कितीही लोकांना पैसे वाटले तरी ते महाराष्ट्रात जिंकून येऊ शकत नाहीत. महाराष्ट्रातील जनता सुज्ञ आहे आणि परिवर्तनासाठी सज्ज आहे. विनोद तावडे यांना लवकरात लवकर अटक करावे अशी मागणी महाराष्ट्र काँग्रेसचे प्रभारी रमेश चेन्नीथलाजी यांनी निवडणूक आयोगाकडे मागणी केली आहे.
आज विरारमध्ये भाजपचे राष्ट्रीय सरचिटणीस विनोद तावडे यांनी एका हॅाटेलात पैसे वाटल्याचा आरोप बहुजन विकास आघाडीने केला. विनोद तावडे हे विरारमधील एका हॅाटेलमध्ये ५ कोटी रुपये घेऊन आले होते. ही गोष्ट बविआच्या कार्यकर्त्यांना समजली तेव्हा त्यांनी हॅाटेलवर धाव घेतली. यानंतर हॅाटेलमध्ये बविआ आणि भाजप कार्यकर्त्यांमध्ये राडा झाल्याची माहिती समोर आली आहे. या घटनेनंतर विनोद तावडे गेल्या अडीच तासांपासून हॅाटेलमध्ये अडकून पडल होते. त्यानंतर या घटनेनंतर पोलिसांनी गुन्हा दाखल केला.
या घटनेनंतर विरोधी पक्षांनी जोरदार टीका केली तर काँग्रेसने तावडे यांना अटक करण्याची मागणी केली.
