अनोखी यशोगाथा! रिक्षावाल्याचा मुलगा बनला अधिकारी; असे मिळविले यश

पाटणा (बिहार) – बिहार लोकसेवा आयोगामार्फत घेतली जाणारी संयुक्त स्पर्धा परीक्षा (बीपीएससी) ही राज्यातील नोकरीसाठीची उच्च स्तरीय परीक्षा आहे. बीपीएससीच्या ६४ व्या संयुक्त परीक्षेचा निकाल नुकताच जाहीर झाला आहे. त्यात ओमप्रकाश गुप्ता हा अव्वल तर सुपौल येथील विद्यासागरने द्वितीय क्रमांक मिळविला आहे. या परीक्षेत टॉपर ठरलेल्या उमेदवारांची यशकथा आपण जाणून घेऊ या…

१) द्वितीय टॉपर विद्यासागर

बीपीएससीमध्ये द्वितीय क्रमांक मिळविणारा विद्यासागर यूपीएससीमध्ये २०२० मध्ये यशस्वी झाला होता. त्यांना भारतीय रेल्वे सेवा केडर वाटप करण्यात आले आहे.  विद्यासागर यांनी सांगितले की, तो दररोज आठ तास अभ्यास करतो.  त्यांचे वडील हरिनंदन यादव हे सुपौल येथे शिक्षक आहेत, तर आई पवित्री देवी गृहिणी आहेत.

२) अनुराग आनंद तिसरा

दरभंगाच्या लक्ष्मी सागर येथील रहिवासी अनुराग आनंदने तृतीय क्रमांक मिळविला.  अनुरागने सांगितले की, तो आयआयटी दिल्ली येथून सिव्हिल इंजिनिअरिंग करून नागरी सेवेची तयारी करत आहे. तसेच यूपीएससी मेन्सही उत्तीर्ण झाला असून  पहिल्यांदाच बीपीएससीमध्ये यशस्वी.  वडील विजय कुमार झा एसबीआयमध्ये पीओ आहेत, तर आई इंदू झा गृहिणी आहेत. एकदा मी अभ्यास करायला बसलो की, मी तासन्तास वाचन करत होतो.

३) चौथा आलेला विशाल

मुंगेरच्या धरहरा येथे राहणाऱ्या विशालला बीपीएससीमध्ये चौथा क्रमांक मिळाला आहे.  विशाल सांगतो की, तो सध्या कोलकात्यात डिफेन्समध्ये कार्यरत आहे.  नोकरीबरोबरच तो दररोज सात-आठ तास नियमित अभ्यास करत असे.  देशाची सेवा करणे हेच आमचे ध्येय आहे. आता तो बिहारमध्ये राहून लोकांच्या सेवेची तयारी करत आहे.

४) शशांक वर्णवाल पाचवा

झारखंडमधील गिरीडीह येथील रहिवासी शशांक वर्णवाल पाचवा आला असून त्याला बाल सेवापासूनच लोकसेवा आयोगाच्या माध्यमातून लोकांच्या सेवेसाठी कार्य करण्याची इच्छा आहे.  त्यासाठी त्यांनी बीपीएससी आणि यूपीएससीची तयारी सुरू केली.  पहिल्यांदा बीपीएससीमध्ये यशु मिळाले.  त्याने सांगितले की, त्याचे वडील दिगंबर मोदी एक व्यावसायिक आहेत तर आई मीना देवी गृहिणी आहेत.

५) अजितची प्रसादची वेगळी यशकथा

पाटणामधील अशोकनगरमध्ये राहणाऱ्या अजितची यशोगाथा अगदी वेगळी आहे. तो मध्यम कुटुंबातील आहे.  त्याचे वडील वीरेंद्र प्रसाद ऑटो चालवत असत. त्याने अधिकारी बनण्याचे उद्दीष्ट ठेवले. सतत अभ्यास करून २०१२ मध्ये जेव्हा त्याने दुबईतील ऑईल अँड गॅस कन्स्ट्रक्शन कंपनीत काम करण्यास सुरुवात केली. दररोज आठ-दहा तास अभ्यास करून त्याने सहावा क्रमांक मिळविला आहे.