या, झोपा आणि पगार मिळवा; या कंपनीची भन्नाट ऑफर

इंडिया दर्पण ऑनलाईन डेस्क – कुठलीही कंपनी त्यांच्या कर्मचाऱ्यांना काम केल्यानंतर पैसे देते. काम केल्याशिवाय कुठलीही कंपनी पगार देत नाही. किंबहुना काम कमी केले म्हणून पगार कमी केला जातो. तर जे जास्त काम करतात त्यांना अधिक पगार दिला जातो. पण, एखाद्या कंपनीने चक्क झोपण्याची नोकरी दिली तर.. किंवा झोपण्याचाच पगार दिला तर… वाचून नवल वाटले ना. पण हे सत्य आहे.

आहाराप्रमाणेच मानवाला आहाराप्रमाणेच निद्रा म्हणजेच झोप आवश्यक असते, ती त्याची मूलभूत गरज आहे. परंतु दैनंदिन कामकाज करत असताना विशेषतः कोणत्याही कार्यालयात ( ऑफिसमध्ये ) किंवा कंपनीमध्ये काम करताना डुलकी घेणे अथवा झोपले तर योग्य ठरत नाही, त्यामुळे त्या कर्मचाऱ्याला मेमो भेटू शकतो किंवा कामावरून कमी देखील केल्या जाऊ शकते. परंतु एक नोकरी अशी आहे की, त्या ठिकाणी झोप हीच आवश्यक ठरणारी गोष्ट आहे. हे ऐकून किंवा वाचून कदाचित कुणालाही आश्चर्य वाटेल. परंतु हे सत्य आहे अमेरिकेतील एका कंपनीने अशी नोकरी आणली आहे, जिथे नोकरी करताना झोपणे आवश्यक असेल. म्हणजेच ज्यांना खूप गाढ झोप लागते, असे नागरिक या पदासाठी आदर्श उमेदवार ठरतील.

अमेरिकेतील मॅट्रेस कंपनी कॅस्परने ही भन्नाट नोकरी आणली आहे. या कंपनीने आपल्य़ा वेबसाईटवर Casper Sleepers जॉब प्रोफाईलसाठी काही पात्रतासुद्धा नमूद केल्या आहेत. त्याशिवाय कंपनीने ड्रेसकोडसुद्धा कूल ठेवला आहे. हे काम करण्यासाठी इच्छुक असलेले उमेदवार हे उमेदवारी अर्ज दाखल करू शकतात. न्यूयॉर्कस्थित कॅस्पर कंपनीची स्थापना सन २०१४ मध्ये झाली होती.
कंपनीने आपल्या वेबसाईटवर या नोकरीबाबत जी माहिती दिली आहे. त्यानुसार जे कुणी या नोकरीसाठी अर्ज करणार असतील त्यांच्यामध्ये झोप येण्याची असामान्य क्षमता असली पाहिजे. त्याशिवाय टिकटॉक व्हिडीओ बनवून कॅस्परच्या सोशल मीडिया चॅनेलवर ते पोस्ट करावे लागतील.

व्हिडीओमध्ये उमेदवारांना मॅट्रेसवर झोपण्याचा अनुभव सांगावा लागेल. या कंपनीने दिलेल्या माहितीनुसार ज्या उमेदवारांची निवड होईल, ते कामादरम्यान पायजमा परिधान करू शकतात. त्याशिवाय कंपनीच्या प्रॉडक्ट्सचा फ्रीमध्ये वापर करू शकतात. तसेच त्यांना कामाच्या तासांमध्ये काही सवलतही मिळेल. कंपनीने सांगितले की, जे कुणी उमेदवार या पदासाठी स्वत:ला पात्र समजतातत, त्यांनी आपल्या स्लीप स्किलचा टिकटॉक व्हिडीओ बनवून अर्जासह शेअर करावा.

अर्ज करण्यासाठी उमेदवाराचं वय १८ वर्षांपेक्षा अधिक असलं पाहिजे. मात्र मुख्य पात्रता ही त्याला कुठल्याही परिस्थितीत झोपण्याची आहे. सदर कंपनीने सांगितले की, या पदासाठी न्यूयॉर्कमधील नागरिकांनी अर्ज केल्यास ते अधिक चांगले होईल. मात्र इतर शहरांमधील नागरिकही अर्ज करू शकतात.

Company Offer Sleeping Salary Social Viral