मुंबई – पेट्रोल आणि डिझेल सारख्या इंधनाचे भाव गगनाला भिडले असून भविष्यात हे इंधन संपुष्टात येऊ शकते. त्यामुळे अलीकडच्या काळात इलेक्ट्रिक वाहनांची मागणी वाढली आहे. तसेच यापूर्वी पर्यावरण पूरक वाहनांचा वापर करावा, यासाठी सरकारतर्फे ही प्रोत्साहन देण्यात येत आहे सहाजिकच अनेक कंपन्यांनी इलेक्ट्रिक वाहने बाजारात आणले आहेत. टोयोटाने अलीकडेच 15 इलेक्ट्रिक वाहने प्रदर्शित केली आहेत.
विशेष म्हणजे संकल्पना आणि प्रोटोटाइप मॉडेल समाविष्ट आहेत. तसेच कंपनीने आपली छोटी क्रॉसओवर टोयोटा बीझेड देखील सादर केली असून कंपनीची ती सर्वात स्वस्त इलेक्ट्रिक कार असेल. टोयोटाचे सीईओ अकिओ टोयोडा यांनी सांगितले की, या छोट्या इलेक्ट्रिक कारला आरामदायी इंटेरिअर देण्यात आले असून युरोप आणि जपानच्या बाजारपेठेला लक्षात घेऊन त्याची रचना करण्यात आली आहे.
टोयोटा बीझेड आर्थिकदृष्ट्या तसेच सेगमेंटमधील सर्वात कार्यक्षम कार असेल. तसेच प्रति 100 किमी 12.5kWh असा दावा केला जात आहे. या कारमध्ये खूप कमी वीज वापरली जाईल. यात छोटी बॅटरी असेल आणि त्यांचे वजनही कमी असेल. अशा परिस्थितीत, टोयोटाच्या आगामी स्वस्त इलेक्ट्रिक कारची बॅटरी श्रेणी देखील सरासरी असेल असे गृहीत धरले जाऊ शकते.
टोयोटाचे सीईओ म्हणाले की, या कारची डिझाइन ही कॉम्पॅक्ट एसयूव्ही टोयोटा bZ4X आणि टोयाटो Aygo X सारखी दिसते. सदर कार एका नवीन प्लॅटफॉर्मवर आधारित असण्याची शक्यता आहे, सध्या टोयोटाला छोट्या बॅटरी असलेल्या वाहनांद्वारे इलेक्ट्रिक कार लोकप्रिय करायच्या आहेत. यामुळे वाहने हलकी आणि स्वस्त राहतील. कारची श्रेणी वाढवण्यासाठी जितक्या जास्त बॅटरी जोडल्या जातील, तितके वाहन मोठे, जड आणि अधिक महाग होईल.”
