महेश मांजरेकर यांच्याऐवजी हा अभिनेता असणार ‘बिग बॉस मराठी’चा होस्ट; चौथे पर्व लवकरच

मुंबई (इंडिया दर्पण वृत्तसेवा) – ‘बिग बॉस’ या हिंदीतील लोकप्रिय शो चा मराठी रिमेक प्रेक्षकांना भावला. या कार्यक्रमात सहभागी होणाऱ्या विविध क्षेत्रातील मान्यवर व्यक्ती, लाडके कलाकार तसेच यातील स्पर्धकांना राहण्यासाठी दिले जाणारे घर हे या नेहेमी चर्चेचा विषय ठरत असतात. यांशिवाय कार्यक्रमात होणारे वाद, स्पर्धकांना दिले जाणारे टास्क याचीही चर्चा असते. या तीनही पर्वाचे सूत्रसंचालक असलेले महेश मांजरेकर यांचे सुत्रसंचालनही प्रेक्षकांच्या चांगलेच पसंतीस उतरले. या लोकप्रिय कार्यक्रमाचे चौथे पर्व आता येऊ घातले आहे. मात्र यावेळी कार्यक्रमाचा होस्ट बदलल्याची चर्चा आहे.

बिग बॉसच्या निर्मात्यांनी मांजरेकर यांच्यासोबत तीन वर्षांचा करार केला होता. त्याप्रमाणे ही तीनही पर्व मांजरेकर यांनी आपल्या सूत्रसंचालनाने चांगलीच लोकप्रिय केली. मात्र, करार संपल्याने हे चौथे पर्व ते करणार नसल्याची चर्चा आहे. विशेष म्हणजे, नेहेमी बिग बॉसचा नवीन प्रोमो सोशल मीडियावर शेअर करणाऱ्या मांजरेकर यांनी यावेळी मात्र चौथ्या पर्वाचा प्रोमो शेअर केलेला नाही. त्यामुळे देखील या चर्चेला दुजोरा मिळतो आहे.

महेश मांजरेकरांच्या जागी अभिनेता सिद्धार्थ जाधव हा या पर्वाचे सूत्रसंचालन करणार असल्याचे समजते. अनेक मालिका, चित्रपटांमध्ये आपल्या अभिनयाची जादू दाखवणारा सिद्धार्थ हा देखील प्रेक्षकांचा लाडका अभिनेता आहे. आजचा आघाडीचा अभिनेता अशी ओळख असणाऱ्या सिद्धार्थ याच्याकडून यावर कसलीही प्रतिक्रिया आलेली नाही. सिद्धार्थ लवकरच ‘दे धक्का २’ या चित्रपटातून प्रेक्षकांच्या भेटीला येणार आहे. तर ‘सर्कस’ या आगामी हिंदी चित्रपटातही तो झळकणार आहे.

मराठी मनोरंजनाचा Bigg Boss येतोय, लवकरच…
आपल्या कलर्स मराठीवर. #ColorsMarathi #RangManalaBidnare #BiggBossMarathi4 #BBM4 pic.twitter.com/nEMKH467iX

— Colors Marathi (@ColorsMarathi) July 24, 2022

Coming Soon Big Boss Marathi Season 4 Host Siddhartha Jadhav Mahesh Manjrekar Colors Marathi TV Show