इंडिया दर्पण ऑनलाईन डेस्क – कॉमेडियन राजू श्रीवास्तव यांना जाऊन नुकताच एक महिना झाला. २१ सप्टेंबरला त्यांनी या जगाचा निरोप घेतला. राजू यांच्या निधनानंतर महिन्याभराने त्यांच्या पत्नीने सोशल मीडियावर एक व्हिडीओ पोस्ट केला आहे. राजू यांचा कधी न पाहिलेला हा व्हिडीओ त्यांनी चाहत्यांसोबत शेअर केला आहे. त्यासोबतच कॅप्शनमध्ये एक कविता लिहित आपल्या भावना व्यक्त केल्या आहेत. जिममध्ये व्यायाम करताना राजू यांना हृदयविकाराचा झटका आला होता. त्यानंतर त्यांना दिल्लीतील एम्स रुग्णालयात दाखल करण्यात आले होते.
शिखा यांनी पोस्ट केलेल्या या व्हिडीओमध्ये राजू श्रीवास्तव गाणं म्हणताना दिसत आहेत. १९७७ मध्ये प्रदर्शित झालेल्या ‘स्वामी’ या चित्रपटातील गाणं ते गात आहेत. ‘तू जाऊन महिना झाला पण आम्हाला माहीत आहे की तू अजूनही आमच्यासोबतच आहेस आणि कायम राहशील’, असं कॅप्शन शिखा यांनी या व्हिडीओला दिले आहे. ‘तारक मेहता का उल्टा चष्मा’ या मालिकेत तारक मेहताची भूमिका साकारणारे शैलेष लोढा, स्टँडअप कॉमेडियन एहसान कुरेशी आणि सुनील पाल यांनी एकत्र येऊन राज यांच्या आठवणीत एक शो केला होता. राजू यांचा भाऊ काजू श्रीवास्तव यांनीसुद्धा या शोमध्ये भाग घेतला होता.
१० ऑगस्ट रोजी जिममध्ये वर्कआऊट करताना राजू श्रीवास्तव यांना हृदयविकाराचा झटका आला होता. त्यानंतर त्यांना ताबडतोबत दिल्लीतील एम्स रुग्णालयात दाखल करण्यात आले. तिथं डॉक्टरांनी त्यांना तातडीने व्हेंटिलेटरवर ठेवलं. त्यांची अँजिओप्लास्टीही करण्यात आली होती. त्यानंतर मध्ये त्यांच्या तब्येतीत सुधारणा देखील झाली होती. डॉक्टरांनी त्यांना वाचवण्याचा आटोकाट प्रयत्न केला. मात्र ४२ दिवस मृत्यूशी झुंज दिल्यानंतर गेल्या महिन्यात त्यांचे निधन झाले.
Comedian Raju Srivastava Wife Share Video
