दिव्य चमत्कार पद्मश्री बालन पुथेरी
एक डोळा जन्मापासून अधू असणाऱ्या एखाद्या व्यक्तीला आयुष्याच्या अर्ध्यापेक्षा जास्त टप्प्यावर आल्यानंतर अचानक दूसरा डोळा देखील जातो आहे हे लक्षात आल्यावर त्याची काय अवस्था होईल ह्याची कदाचित आपण कल्पना करु शकतो. कोणताही सर्वसाधारण माणूस संपूर्णपणाने खचून जाईल. पण अशाही अवस्थेत मनाची उभारी कायम ठेवत ज्याने आपली साहित्य सेवा अबाधित ठेवली आहे अशा जिगरबाज माणसाचे नाव आहे बालन पुथेरी. ते केरळमधले एक ख्यातनाम लेखक आहेत. ह्या वर्षी त्यांना पद्मश्री पुरस्काराने गौरवण्यात आले आहे. पासष्ट वर्षाच्या बालन पुथेरी यांची कहाणी कुणालाही चकित करण्यासारखी आहे आणि त्यापासून अनेकांना प्रेरणा घेण्यासारखी आहे.
मो. 9422249354
मूळचे मलप्पुरम कडप्पाडी येथील रहिवासी असणाऱ्या बालन पुत्री यांना अगदी लहान वयातच दृष्टीची समस्या आहे. लहानपणापासूनच त्यांना एका डोळ्याने दिसत नव्हते पण आपल्या ह्या अडचणीवर मात करीत त्यांनी आपले शिक्षण चालू ठेवले. इतिहासात पदव्युत्तर पदवी मिळवलेले बालन पदवीच्या अभ्यासाच्या वेळी ते पुस्तक लेखनाच्या प्रेमात पडले .
“कालिअत्ता कावू” हे त्यांचे पहिले पुस्तक १९८३ मध्ये प्रकाशित झाले. पहिल्याच दिवशी त्या पुस्तकाच्या एक हजार प्रती विकल्या गेल्या होत्या हे मुद्दाम सांगायला हवे. किती लेखक एकाच दिवशी त्यांच्या पहिल्या पुस्तकाच्या १००० प्रती विकू शकतात ? पुस्तकाच्या पुस्तकांच्या प्रती विकल्या गेल्या आहेत आणि अधिक भावी खरेदीदार बाहेर दंगलग्रस्त मूडमध्ये आहेत म्हणून किती जणांना प्रदर्शन स्टॉलवरून पळून जाण्याचा उत्सुक अनुभव असेल ? किंवा गुरुवायूर मंदिरात स्वतःची पुस्तके घेऊन “अतुलभारम” करण्याचा विचार कोणास झाला असेल ? बालन पुथेरी यांनी हा विक्रम केलेला आहे.
त्यानंतर त्यांचे सुरू झालेलं लिखाण अजूनही सुरूच आहे. आतापर्यंत २१३ पुस्तके पूर्ण झाली आहेत. त्रेसष्ठ पुस्तके लिहून पूर्ण झाल्यानंतर त्यांची दोन्ही डोळ्यांची दृष्टी पूर्णपणे नष्ट झाली. अशा अवस्थेत कोणताही दूसरा माणूस खचून गेला असता. पण अशा अवस्थेतही बालन पुथेरी यांचे लेखन चालूच राहिले. हस्तलिखित पूर्ण केल्यानंतर बालन प्रकाशकांची वाट बघत नाहीत. ते कोणाकडूनही आर्थिक मदतीशिवाय स्वत: पुस्तके छापतात . एकदा पुस्तक प्रकाशित झाल्यावर ते वितरकांचीही प्रतीक्षा करत नाही. आपल्या पुस्तकांसह ते प्रदर्शनांच्या ठिकाणी आणि सार्वजनिक सभांना जातात.
केरळमध्ये मंदिर, सण आणि हिंदू अधिवेशने असणार्या ठिकाणी बुकशॉप्स असल्यास तिथली बहुतेक पुस्तके बालन पुथेरी यांनी लिहिली आहेत हे आपल्या लक्षात येईल. त्यांनी भगवद्गीतेपासून रुद्रागीतेपासून मंदिर उपासना, पितृसत्ताक संस्कार अशी अनेक पुस्तके लिहिली आहेत. बर्याच ठिकाणी पुस्तकांच्या स्टॉलच्या कोपऱ्यात चेहऱ्यावर हास्य असलेला एक उंच माणूस पाहू शकतो. ते असतात बालन पुथेरी . त्यांनी अनेक हिंदी कथांचे भाषांतर केलेले आहे. तसेच रामायणावर आधारलेल्या अनेक कथा देखील त्यांनी लिहिल्या आहेत.
सचिन तेंडुलकर यांच्याबद्दल त्यांनी एक पुस्तकही लिहिले आहे. ह्या लेखकाला मिळणार्या उत्पन्नाचे एकमेव स्त्रोत म्हणजे त्यांच्या पुस्तकाची विक्री. २०११ मध्ये बालन यांना राज्य सरकारच्या विकलंगा प्रतिभा पुरस्काराने सन्मानित करण्यात आले. त्यांना जयश्री पुरस्कार, लॅटिन कॅथोलिक ऐक्यवेदी यांनी स्थापित सुवर्णा वशिष्ठ सेवारत्न जयंती पुरस्कार, ज्ञानमृत्यम पुरस्कार, कुंजुनी पुरस्कार आणि कर्नाटकमधील धर्मस्थळाकडून सुवर्णपदक देखील प्राप्त केले आहेत. पद्मश्री पुरस्काराने भारत सरकारने त्यांचा गौरव केलेला आहे. एका संघर्षमय जीवन असणाऱ्या लेखकाला ह्यामुळे एक उचित सन्मान मिळाला आहे हे नक्की.
