शुक्रवार, ऑगस्ट 29, 2025
India Darpan Live
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर
No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर
No Result
View All Result
India Darpan Live
No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर

इंडिया दर्पण विशेष – वलयांकित – ऋषीतुल्य शिक्षणतज्ञ डॉ. प्र. ल. गावडे

by Gautam Sancheti
ऑगस्ट 4, 2021 | 6:06 am
in इतर
0
E7wyklPUcAQdQ57

ऋषीतुल्य शिक्षणतज्ञ डॉ. प्र. ल. गावडे

महाराष्ट्राच्या शैक्षणिक क्षेत्रात जवळपास सात दशकांचा प्रदीर्घ काळ कार्य करणारे आणि स्वतःची वेगळी छाप निर्माण करणारे एक ऋषीतुल्य व्यक्तित्व म्हणून ओळख असणारे डॉ. प्रभाकर लक्ष्मण गावडे यांचे परवा वयाच्या ९६ व्या वर्षी पुण्यात निधन झाले आणि शिक्षण क्षेत्रातला एक अध्याय संपला.

dilip phadke
प्रा. दिलीप फडके
मो. 9422249354

डॉ. गावडे मूळचे नगर जिल्ह्यातल्या नेवाशाचे. त्यांचे माध्यमिक शिक्षण नगरच्या फिरोदिया विद्यालयात झाले. पुढचे महाविद्यालयीन शिक्षण फर्गसन महाविद्यालय व एस पी कॉलेजात झाले. एम. ए आणि एम एड झाल्यावर त्यांनी पुणे विद्यापीठाची पी.एच.डी. ही पदवी संपादन केली. त्यांनी ‘सावरकर : एक चिकित्सक अभ्यास’ हा प्रबंध या पदवीसाठी सादर केला. स्वातंत्र्यवीर सावरकर यांच्या वाङ्मयाचा साक्षेपाने, विस्तृत मूलग्राही अभ्यास करून, संशोधन करून हा प्रबंध सिद्ध झालेला होता. डॉ. पु. ग. सहस्रबुद्धे यांच्या मार्गदर्शनाखाली, वैचारिक शिस्तीत साकार झालेल्या या प्रबंधास उत्कृष्ट प्रबंधाबद्दल पुणे विद्यापीठातर्फे ‘न. चि. केळकर पारितोषिक’ व ‘परांजपे पारितोषिक’ मिळाले होते तसेच या ग्रंथास महाराष्ट्र राज्याचा पुरस्कारही मिळाला होता. स्वातंत्र्यवीरांच्या कार्यावर संशोधन करुन लोहिला गेलेल्या तो पहिलाच प्रबंध होता हे विशेष.

जवळपास छत्तीस वर्षे प्रत्यक्षपणे अध्यापक, मुख्याध्यापक म्हणून काम केले. पुण्याच्या न्यू इंग्लिश स्कूल रमणबाग आणि ’, नूमवि तसेच विमलाबाई गरवारे विद्यालयात त्यांनी काम केले . तसेच पदवी व पदव्युत्तर वर्गांसाठी देखील त्यांनी अध्यापन केलले आहे. गरवारे महाविद्यालय , एस एन डी टी कॉलेज तसेच पुणे विद्यापीठातील मराठी अशा विविध ठिकाणी, विविध स्तरांवर त्यांनी मराठी-वाङ्मयमयाचे अध्यापन केले. याशिवाय महाराष्ट्र एज्युकेशन सोसायटीच्या प्रशासनात देखील विविध पदांवर त्यांनी अनेक वर्षे काम केले होते.

डॉ. प्र. ल. गावडे यांनी विपुल लेखन केलेले आहे. स्वतंत्र ग्रंथलेखन, संत साहित्यावरील लेखन, शैक्षणिक लेखन, विद्यार्थ्यांसाठी मार्गदर्शनपर लेखन, शैक्षणिक पुस्तकांचे संपादन, शासकीय पाठ्यपुस्तक-निर्मितीसाठी संपादन, मान्यवर व्यक्ती परिचय-ग्रंथ व लेखन यांचे लेखन, इत्यादी प्रकारचे लेखन त्यांनी केले आहे. याशिवाय त्यांचे अगणित प्रासंगिक लेखन प्रकाशित झालेले आहे. त्याचा आढावा घेणे मूल्यमापन करणे हे एक स्वतंत्र कार्य – संशोधन कार्य आहे.
‘कवी यशवंत – काव्यरसग्रहण’ व ‘सावरकरांचे साहित्यविचार’ ही स्वतंत्र पुस्तके त्यांनी लिहिली आहेत. ‘अजिंक्यतारा’ या ना.ह.आपटे यांच्या कादंबरीचे संपादन त्यांनी केले आहे.

E7wzro WUAE2SXn

संतसाहित्य हा त्यांच्या संशोधनाचा व चिंतनाचा विषय होता ‘श्री तुकाराम गाथा’, ‘ज्ञानेश्‍वरी’, ‘श्री ज्ञानेश्‍वर वाङ्मय सूची’ व ‘श्रीनामदेवकृत श्री ज्ञानेश्‍वर समाधी अभंग’ या संपादित पुस्तकांचे प्रकाशन ‘श्री ज्ञानेश्‍वरमहाराज संस्थान, आळंदी’ यांनी केले आहे. ‘संजीवन’ हा संपादित ग्रंथ श्री ज्ञानेश्‍वरमहाराज संजीवनसमाधी सप्तशताब्दीनिमित्ताने प्रकाशित झालेला आहे. ‘शारदीयेचे चंद्रकळे’ हे पुस्तक आबासाहेब गरवारे महाविद्यालयाचे प्रकाशन आहे. प्राज्ञ पाठशाळा, वाई, ‘विश्‍वकोश’ ग्रंथलेखनात अभ्यागत संपादक म्हणून ते सहभागी झालेले आहेत.

‘माध्यमिक शिक्षण-विचार, आचार, व्यवहार’ हे त्यांचे स्वतंत्र पुस्तक शिक्षणक्षेत्रातील अध्यापक, मुख्याध्यापक, शिक्षण विषयाचे मार्गदर्शक व शासनाचे अधिकारी या सर्वांनाच मार्गदर्शक ठरलेले आहे. त्यांनी जे शिक्षण विषयक स्फुट लेखन केले त्यातील निवडक लेखांचा संग्रह आहे. त्यांनी ‘विचार प्राथमिक शिक्षणाचा’ हा ग्रंथ प्राथमिक शिक्षणासंबंधी महत्वाचा ठरला आहे. याशिवाय अनेक वर्षे ते मराठी ह्या विषयाच्या शालेय व महाविद्यालयीन पाठ्यपुस्तकांच्या लेखनाशी संबंधित होते. एक विचारवंत व प्रभावी वक्ते म्हणून ते प्रसिद्ध होते .मसापच्या कामातही विविध जबाबदाऱ्या त्यांनी यशस्वीपणाने सांभाळल्या होत्या.

मराठीतील उत्कृष्ट ग्रंथांना राज्यपुरस्कार देण्यासाठी महाराष्ट्र शासनाने नियुक्त केलेल्या ग्रंथ समीक्षक समितीचे सदस्य म्हणून देखील त्यांनी काम पाहिले होते. महाराष्ट्र ग्रंथोत्तेजक सभा , ‘कामायनी मतिमंद मुलांची संस्था, ज्ञान प्रबोधिनी (उपाध्यक्ष), , सेवासदन सोसायटी, विद्यार्थी साहाय्यक समिती अशा अनेक संस्थांशी त्यांचा निकटचा संबंध होता. ‘श्री ज्ञानेश्‍वरमहाराज संस्थान आळंदी या संस्थेचे विश्‍वस्त व प्रमुख विश्‍वस्त म्हणून देखील त्यांनी काम केलेले त्यांच्या कार्याबद्दल त्यांना विविध पुरस्कारांनी सन्मानित करण्यात आले होते . महाराष्ट्राच्या शैक्षणिक क्षेत्रात प्रदीर्घ काळ काम केलेले एक ऋषीतुल्य व्यक्तित्व आपल्यातून गेलेले आहे. त्यांना विनम्र श्रद्धांजली.

Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
WhatsApp Channel
Join Now
Telegram Group
Join Now
YouTube Channel
Subscribe

Previous Post

इंडिया दर्पण – हास्य षटकार – मार

Next Post

अॅमेझॉन ग्रेट फ्रीडम फेस्टिव्हल सेलची घोषणा; या आहेत ऑफर्स

Gautam Sancheti

संस्थापक व संपादकीय प्रमुख, इंडिया दर्पण लाइव्ह गौतम संचेती हे India Darpan Live या लोकप्रिय डिजिटल न्यूज पोर्टलचे संस्थापक आणि संपादकीय प्रमुख आहेत. सत्य, स्पष्टता आणि जबाबदारी या तत्त्वांवर आधारलेली पत्रकारिता हेच त्यांचे कार्यध्येय आहे. त्यांनी ग्रामीण आणि शहरी भागातील वाचकांसाठी एक विश्वासार्ह माहितीचा स्रोत उभारला आहे.

Related Posts

accident 11
क्राईम डायरी

दिंडोरीरोडवर भरधाव बुलेटने दिलेल्या धडकेत ४८ वर्षीय महिला ठार

ऑगस्ट 29, 2025
manoj jarange
महत्त्वाच्या बातम्या

मुंबईत जरांगे पाटील आंदोलनाला बसताच सरकारचा मोठा निर्णय…सुरु आहे या घडामोडी

ऑगस्ट 29, 2025
rohit pawar
महत्त्वाच्या बातम्या

मराठा आंदोलनाच्या पार्श्वभूमीवर खाऊगल्ल्या बंद ठेवण्याचे आदेश, कोणत्याही सुविधा नाही…रोहित पवार यांचा गंभीर आरोप

ऑगस्ट 29, 2025
IMG 20250828 WA0508 e1756433976745
इतर

चेन्नई क्रिकेट दौऱ्यासाठी नाशिकचा साहिल पारख महाराष्ट्राचा कर्णधार…समकित सुराणा देखील संघात

ऑगस्ट 29, 2025
amol khatal
महत्त्वाच्या बातम्या

संगमनेरमध्ये शिवसेना शिंदे गटाचे आमदार अमोल खताळ यांच्यावर हल्ला…राजकीय वातावरण तापले

ऑगस्ट 29, 2025
Shirdi Sai baba e1727984889927
संमिश्र वार्ता

साईबाबा संस्थानच्या मोफत पार्किंग सुविधेमुळे शिर्डीतील वाहतूक सुरळीत….

ऑगस्ट 29, 2025
manoj jarange
महत्त्वाच्या बातम्या

मनोज जरांगे पाटील मुंबईत दाखल… अनेक मार्गावर वाहतुकीत बदल

ऑगस्ट 29, 2025
राशीभविष्य प्रातिनिधीक फोटो
भविष्य दर्पण

या व्यक्तींना शुभ समाचार मिळेल, जाणून घ्या, शुक्रवार, २९ ऑगस्टचे राशिभविष्य

ऑगस्ट 29, 2025
Next Post

अॅमेझॉन ग्रेट फ्रीडम फेस्टिव्हल सेलची घोषणा; या आहेत ऑफर्स

प्रतिक्रिया व्यक्त करा उत्तर रद्द करा.

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

  • About Us
  • Contact us
  • Privacy Policy

© India Darpan Live. 112, Kharbanda Park, Near Dwarka, Dwarka, Nashik, Maharashtra 422011

No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर

© India Darpan Live. 112, Kharbanda Park, Near Dwarka, Dwarka, Nashik, Maharashtra 422011